خدمة تفسير أحلام

السلام عليكم و رحمة الله و بركاته اختي بهية لباس عليك انا كنت ناعسة اليوم و عاد فقت هاد الصباح كنت كنحلم و فقت كنقرا اية الكرسي حامت راسي ناعسة فبيتي و كنسمع الصوت ديال بابا جا عندي للدار يطل علي و خرجت من بيتي لقيتي داخل من الكولوار لابس وحد اللبس غريب لابس صباط عالي فحال هدوك ديال السيرك و ملي حطو بانلي صابو فحال ديال النساء ولكن عالي و لابس يروال مزير من فوق و واس من تحت بانطليفو و لابس قميجة طويلة و لابس فراسو زيف ملوي فحالي كيلبسو دوك الرجال الغجريين و انا نوصدم قلتلو اويلي مالك ابا شنو هاد الحالة و اختي حتى هي دارت فيه قال مشي شغلكم انا عاجبني راسي و جلس و بقيت كنشوف فيه كنقولو مشي طبيعي اويلي مالك شوية كنشوفو ما بقاش لابس على راسو حتى حاجة و شعرو رجع قصير و حرش مع العلم ملي جا كان طويل و هو شعري في الواقع عادي و لونو رجع اسمر و عينو ذابلبن فحالي مشي بابا و انا كنبكي و كنقول نحتي بنت الحرام خرجات عليه بالسحور شوف حالتو كيف ولات اويلي شوف عينو كبف رجعو زعم كنهدر على مراتو و هو كاع ما متيق فحالي فيه شي جن مشي بابا و كيقول انا مراتب كنبغيها و عنبقى معاها و انا نقولو و الله لا بقيتي معاها واخا طير فالسماء شحال ما بقات عتمشي فحالا حيت كنتي فسرتيلي وحد الحلم عليها بلي في الاخير عنتهناو منا و انا تفكرتو فديك اللحظة فالحلم و انا ننزل نعيط لخويا الكبير يونس قلتلو اجي طلع و فحالي كانو معانا العائلة و عندنا الحلوى و طلعت معايا قفة فيها عشوب و سدر كانت كبيرة مع العلم انا فعلا عندي قفة صغيرة فيها عشوب و سدر فالواقع كنقولو اجي عاوني عليه خصني ننرقيه و تشبرو معايا هدشي ماشي ساهل و ملي طلعت نالسطاح قبل ما نوصل نالبلاصة الي فيها هو بانلي واحد الراجل جالس و جالس حداه جني في شكل بابا الحقيقي ولكن خايف و عينيه صفرين و انا بديت كنقرا آية الكرسي و فقت و لقيت راسي مازال كنقراها مع العلم بابا شي شهر و هو قاطع علي الهدرة بسباب مراتو و عمرو ما دارها و كنت عزيزة عليه و كاع ما بقى كيحملني كيجي ينزلي الفلوس عند البقال فالحومة و ما يجيشي عندي و سمحيلي بزاف طولت عليك

للاسف مسحور وممسوس وحالتك الصحية ستتدهور بذلك لو عرفتو كيف تعملي له ماء مع اوراق السدر تبعثيهم ليه يشربهم يكون عملتي فيه خير والله اعلم