خدمة تفسير أحلام

حلمت ان انا فى فصل فى المدرسه وقاعدة على تخته مع بنتين واحدة منهم اسمها زينب وكنت عارفه انى لو سبت مكانى البنات هيقعدوا مكانى فقولت للبنت الى جمبى الى اسمها زينب انا جعانه روحى اشتريلى اى حاجه اكلها بس هى قالتلى رجلى وجعانى روحى انتى فانا قومت وسبت شنطتى فى مكانى وقولتلها خلى بالك من الشنطه وطلعت من جيب الشنطه 15 جنيه خمسه وعشرة بس كان شكلهم قديم والمهم طلعت من الفصل وكان معايا بنتين بس مش فاكره اسمائهم ورحت عشان اشترى من المكان الى متعودة اشترى منه كل مرة بس لاقيت وانا رايحه واحدة قاعدة ف حوش المدرسه بتبيع حلويات وكانت بتنادى عليا عشان اشترى منها بس سبتها ومشيت ولاقيت واحدة تانيه بتبيع مشبك وبتنادى عليا بردوا بس سبتها ومشيت ورحت المكان الى كنت عايزة اشترى منه بس كان ف زحمه المهم اخدت عروستين لعبه وقولت للست عايزة كيسين شيبسى فلامنكو بالجبنه فشاورتلى عند الباب ولما روحت عند الباب لقيت كراتين شيبسى من النوع الى كنت عايزاه المهم اخدت كيسين وببص للفلوس الى كانت معايا ف ايدى لقيتها فلوس فكه جنيهات وكدا فرحت للست عشان احاسب فبديها الفلوس لقيت الفلوس كلها الى ف ايدى متغلفه حلويات بالسمسم بيان واعطتها للست مش كانت راضيه بيهم فانا قولت هغسلهم ف البيت اديتها اربع جينهات الى كانت ف ايدى وهى اخدت منهم اتنين ورجعتلى اتنين فانا اخدتهم وقولت مش مهم هغسلهم ف البيت وهيبقوا حلوين ومشيت بس سمعت صوت الست وهى بتزعق وبتشتم كأنها بتشتمنى يعنى فبقول للبنات الى كانوا مشين معايا شوفتوا لسا بتزعق ازاى فقولت اتاكد ان انا اخدت كيسين الشيبسى و العروستين فببص ف الشنطه الى كنت لابسه هى كانت شنطه كتفين زى بتاعت ابتدائى المهم لاقيت الحاجات ف الشنطه وبصيت ع العروستين وقولت العروسه دى هتعجب اختى ابتسام (متزوجه) وكنت مروحه وماما كانت ماشيه قدامى وكأننا مروحين بيتنا بس بيتنا القديم مش الى ساكنين فيه دلوقتى فماما راحت محل ملابس وكان عارض اباجورات صغيره كدا الوان مختلفه وبتنور بس كانت صغيره زى لعب الاطفال ماما مسكت اباجورتين منهم وعجبتها وكانت عايزة تشتريهم بس انا قولتلها لا مش ضرورى منهم مش حلوين بس هى قالت ملكيش دعوه انتى دول حلوين وخلص الحلم ع كدا ..... عزباء ومش بشتغل وعندى 23 سنه اختى متزوجه وعندها ولدين

تفاصيل الحلم تشير إلى انك ستضطرين للبحث عن مصدر رزق أو وظيفة وتنتقلين من محل لآخر ثم تجدين ظالتك في وظيفة فيها مال يعني تكسبين منها كثيرا لكن صاحب الشغل أو صاحبة الشغل لا ينصفك ...وتفارقينه لكن بعد ان تاخذين حقك كاملا.والله أعلم.