خدمة تفسير أحلام

حلمت كأن انا واختي (عزباء) في بيت حماة اختي المتزوجه ومعتبرينه بيتنا وكأن عندهم مناسبه وهيجيلهم حد مهم فانا واختي كنا واقفين في الصاله بنتفرج عليهم وهما في اوضه الضيوف ومكناش عايزين ندخل عشان كنا لابسين لبس البيت ومش لابسين كويس واحنا بنبص عليهم لاقينا هيام (الممثله اللي كانت مرات سلطان سليمان في مسلسل حريم السلطان) دخلت اوضه الضيوف وكانت لابسه وماشيه زي الملكات وقعدت زي الملكات وحماة اختي وكلهم بيرحبوا بيها كأنها هي الضيفه المهمه اللي مستنينها وحماة اختي قعدت تتكلم معاها بس هي كان كلامها قليل جدا وبعد كدا مشيت بعدين معرفش ايه اللي حصل خلاني ادخل جوا قدام الكل وكانت اختي ورايا ففي حد قالي دخلتي ليه بمنظرك دا فقلتله عادي ما اختي كدا بردو فلقيتها بتضحك وبتقول لا انا لابسه كويس فبصيت ورايا لاقيتها لابسه بنطلون اسود قماش وعليه بلوزه بتلمع لونها اخضر فاقع وكان شكلها حلو جدا وكنت مبهوره اوي فبصتلها بغيظ لأني دخلت بشكلي كدا وكنت لابسه لبس البيت العادي بعدين رحت على الشباك ومعرفش وقعت ولا انا اللي نزلت منه ولاقيت نفسي في وسط غابه مليانه اسود وفهود وكان فيه طريق طويل وعلى الجانبين في اشجار وبيطلع من وسطهم الاسود والفهود ويهجموا على اللي ماشي ولما هجموا عليا جه واحد معرفوش وضربهم وانقذني بس هما كانوا كتير جدا وجايين عليا تاني وهو كان مشغول في اللي حواليه فأنا بصيت عليه لقيته ماسك عصايا وبيضربهم بيها ومره يضربهم برجله ومره بإيده وبأي حاجه فقلت مش صعبه لدرجادي فقعدت احاول اضربهم بأي طريقه اقدر عليها زيه انا بدرس

اول حاجه ضيوف مهمه فعلا تجيلكو قريبا وعريس يتقدم لاختك كويس لكن أهله بيدققو في كل حاجه ويحصل موقف أن يقولو اختك اللي تخرج فقط وتجهزو معاها االلبس. انتي خدي بالك من النت ومش اي حد يتكلم معاكي تصدقيه حاولي تاخدي حذرك لأن أكترهم شخصيات وحشه جدا عايزين غرض معين من الفتاه فقط ولكن انتي ربنا يكرمك بعريس كويس ولكن ليس الان وخدي بالك شوفي الأصدقاء عندك على النت واللي مش كويس احذفيه