خدمة تفسير أحلام

رأيت بإني في بيت جدتي وجدتي هي بالأصل عايشة ببيت صغير لكن هاد البيت بالأصل هو بيت العيلة الكبير المهم رأيت بأننا دخلنا على هاد البيت أنا واهلي وأبي المتوفي والبيت كان مبين إني ما فيه حدا فطلبو مني إني اروح واشوف البراد إذا فيه شي نأكلو فأنا بقلن البيت فاضي شو بدي حط بفتح البراد بلاقي بيضة وحدة بقلن أي مافي غير هالبيضة هي شو بدي أعمل فيها بقلي بابا لا روحي اتاكدي إلا ما تكون نانتك عايفة بيض ارجعي طلعي برجع بروح بشوف في صحن موجود تحت بالبراد فيه بيض بس كان هالبيض شاعر فأنا بقرف وبقول اكيد هاد فسدان وصرلو فترة منيحة بالبراد لاني أساس البيت موجود والبراد فيه اشياء بس في غبرة ومثل كأني ماحدا داخل البيت من فترة بعيدة فأنا بجبر حالي إني افقس البيض بالصحن لاعمل شي ناكلو وبصحى....للعلم هاد البيت بيت العيلة قاعدة فيه حاليآ عمتي هي وعائلتها بس مابعرف ليش شفت البيت بهاد الوضع وجدتي قاعدة ببيت صغير لحالا يعني مرأة وحدانية بس أنا بمخيلتي أنا هاد البيت لسى قاعدة فيه جدتي لأني قبل غربتي كانت جدتي قاعدة فيه وهو بالأصل إلها وهاد بيت العيلة بالإساس

اول الحلم يدل على أن موضوع ليكي ومازال إلى الآن موضوع قديم يضايقك شويه وما زلتي تتحدثين عنه وتبحثي عن حل ولكن في خبر يزعل وبعض المشاكل بين الأهل وانتي عندك الأمور غير مستقره معك وتبحثي عن أمور تسعدك وتخليكي تغيري الوضع وامورك تكون بخير لكن في عقبات شويه فعليكي بقراءة سورة البقره يوميا لتيسير امورك