خدمة تفسير أحلام

اتخطبت شهرين لشخص صالونات و انفصلنا و حاليا متقدم لي شخص تاني و صليت استخارة و نمت...حلمت أني لسة مخطوبة للشخص الأول و جالنا البيت زيارة هو و أهله بس في مشاكل بينه و بين اهلي بسبب عدم صراحته و كذبه بردو و اني ف الحلم كنت متضايقة بسبب كتر الكذب و المشاكل دي ..كنت ف الاوضة انا و ماما و هما برة مع بابا و بنفتح الدرج لقينا شعر اختي كان مقصوص و محتفظين بيه فماما خدته و ركبتهولي ف شعري و بقي شعري جميل .. اتفقنا ننزل كلنا نتغدي برة قبل ما ننزل الشخص اداني هدية 2 علبة كريم جليسوليد مرطب للبشرة يعني و جركن برسيل جيل نوع جديد ف استغربت هديته قالي كان بيجيب حاجات من السوبر ماركت فجابهوملي معاه و كمان علشان لقاني معجبة بالبرسيل جيل ع سوشيال ميديا فخدتهم و سكت و نزلنا .. طلبنا محشي بس الترابيزة كانت طويلة و عددنا كتير فمش طايلة كل الاكل فقولتلهم يقربوا مننا الاكل شوية ف كان ورق عنب مستوي بس مش ملفوف كل واحد يلف و ياكل فقولتلهم تمام هاتوه و انا هلفه ع ادي انا و هو علشان اكيد مش هيعرف و هلف لاي حد عايز ... و انا قاعدة لقيت طفل معدي كان هيتخطف انقذته و هددت الشاب ال كان هيخطفه و شوية و نفس الشاب سرق محل و خطف حد رحت مبلغة عنه و ضربت واحدة معاه ف الجريمة جامد و قعدت احذر الناس ع أولادهم و بسبب ال عملته جالي فصل من الجامعة و كان فاضلي سنة و اتخرج رحت احاول اقنعهم مكنوش راضيين يسمعوني ف الاول بس في واحدة خرجتلي تسمعني و صحيت و انا بقنعهم و بحكي ال حصل .... مع العلم انا ف الحقيقة متخرجة اصلا و مش عايزة الشخص ال كنت مخطوباله... و حاليا بفكر ف الشخص ال متقدم لي هل هو مناسب أو لا... ف ايه تفسير الهدايا و توصيل شعر اختي بشعري و الفصل من الجامعة و ... ارجو المساعدة و شكرا و اسفة ع الاطالة

انسان كويس متقلقيش