خدمة تفسير أحلام

حلمت خير اللهم اجعله خير اني داخله اوضة النوم عشان اروح البلكونه وببص وانا ماشيه لقيت يحيي ابني كان نايم علي الارض ورحت فتحتت البلكونه لقيت فيها شجر وزرع اخضر كتير وكان في زرعه كبيره نازله بره البلكونه فشديتها لجوه خفت سلفتي تقطعها وانا بشدها ببص لقيت سلفتي في البلكونه ولقيت حمزه وريتاج ولاد عبير اخت جوزي متشعلقين في المنشر بتاع سلفتي في الدور التاني وبيقطعو فيه وسمعتها وهيا بتقول لهم قطعوا كمان وقطعوا الزرع اللي نازل ده وبعدين نزلت قدام البيت لقيت زرع كتير برده بس ده كان ورد بلدي ملون ابيض واصفر وموف وكان مقطوف ومرصوص فوق بعضه بس كان حجم الورد كبير وكان في شجره ورد بلدي صغيره بس مفرعه وفيها برده ورد صغير نفس الالوان ابيض واصفر وموف بس الورد البلدي كان بتاع امال بنت اميمه اخت جوزي الكبيره هيا انسه عشان هيا بتحب الورد البلدي وكان في شجر فل او ياسمين مش عارفه وكان طارح ورد ابيض صغير وبعدين دخلت البيت لقيت اكياس فيها رمان وطماطم وخضار وبعدين كيس الرمان وقع منه رمان وانا بقول هيا ام امال فين وسايبه الحاجه دي كدا العيال تبهدلها دي الحاجه غاليه فلقيت سلفتي واقفه ورايا وبتقولي ايوه الحاجه غاليه دي الطماطم ب 15 جنيه ياسمر قولتلها ايوه وانا مدايقه انها بتكلمني وبعدين لقيت جنبها اقفاص طماطم راحت قالتلي انا اخويا زارع طماطم وجبت منه القفص ده زي السكر قولتلها ماشي قالتلي بصي الطماطم الطويله دي اللي بتبقي مسكره فببص علي الطماطم لقيت فيها حتت سوده وشكلها وحش

تم