خدمة تفسير أحلام

السلام عليكم حلمت ان انا ماشيه انا وماما فلقينا بابا وعمى واقفين زى ما يكون عمى بيبنى بيت او كدا فى المكان دا وكان بانى حيطه كدا بس مش كانت عاليه ( المكان دا ف الحقيقه واسع كدا وزى شارع بنعدى منه ) فاحنا جينا نعدى مش كنا عارفين المهم انا عديت من فوق الحيطه وماما بردوا عدت من فوق الحيطه وعمى كان عمال يزعق عشان احنا عدينا كدا وكان خايف للحيطه تتهد المهم ماما راحت عند جنب من الحيطه ورفعتها بايديها وقالت لعمى الحيطه خفيفه ومش معدوله بس عمى كان بيزعق ومش عجبه كلام ماما وبابا قال مش ليكى دعوه بيها فانا مشيت انا وماما واحنا ماشين ف الشارع ماما قالت عايزة تروح الحمام المهم مش كان ف حمام قريب بس دخلنا صيدليه ماما كانت عايزة تجيب حاجه منها المهم دخلنا فانا نزلت من سلم الصيدليه لقيت حمامات فطلعت تانى وقولت لماما ف حمام تحت تعالى ننزل عشان تدخلى فواحد ف الصيدليه قال استنى عشان تاخدى الحاجات بتعتك بس واحدة تانيه كانت ف الصيدليه قالت لا روحى احسن عشان ترتاحى وابقى تعالى خدى الحاجات وماما كانت معاها حاجات ف ايديها سبتها مع الست ال كانت ف الصيدليه وانا كنت بقول للست دى الحاجات دى امانه معاكى المهم واحدة قابلتان ع باب الصيدليه وقالت هو فين الحمام دا كل ما انزل مش بلاقى حاجه فضلت اوصف ليها المكان المهم لما نزلت ببص ع المكان الى قولت للست عليه طلع غلط الحمام ف الجهه التانيه فانا دخلت انا وماما المكان الى فيه الحمام ولقيت الحمامات باب صغير كدا يعنى الى يدخل مش بيكون واقف فيه عشان هو ضيق وصغير فتحت واحد منهم لماما وماما دخلت وانا كنت مستنيها فجيت ادخل انا كمان الحمام لقيت المحابس بتاعت الميه مفوته والميه عماله تنزل المحابس موجوده بره الحمام فانا شوفت واحد من الحمامات ودخلت بس مش عملت حمام كنت عماله افكر وانا جوا بس مش فاكرة كنت بفكر ف ايه وطلعت لقيت ماما معاها حاجه ف ايديها وبتنادى ع الستات الى مسئولين على نضافه الحمام وبتديهم حاجه كانت ف ايديها فنادت ع الست الاولى وادتها لقيت ادتها قطعه لحمه وكانت مستويه والست اخدته وكلتها ونادت ع الست التانيه عشان تديها بس الست قالت لا معايا ومش عايزة.... انا انسه..

بسم الله والصلاه والسلام على رسول الله إن صدقت رؤياكم أختي الكريمة فهي تتلخص في جملة واحدة أن امك هي من تتحمل مسؤولية أسرتها بالكامل والاب للأسف دوره هامشي وينحاز لجانب عائلته علي حسابكم ما جعل حياتكم مضطربة ومليئة بالمشاكل وامك تواجه الصعوبات من أجل استقرار الأوضاع في البيت والله اعلم