خدمة تفسير أحلام

السلام عليكم ورحمه الله وبركاته انت سبق لي الزواج مرتين الاول تم الانفصال من سنين وحاليا متجوزه من رجل اخر وحامل وبالشر التاسع وناويه الانفصال النهائي لانه الحل الانسب رائيت بمنامي البارحه اني رجعت لزوجي الاول وجامعني بس ما كنت مرتاحه وكنت بقول لامي بالمنام هاد الانسان عمره ما بتغير وماكنت مرتاحه وياريتني ما رجعتله وكنت متضايقه وتعامله كان سيئ معي وقلتله طلقني انا مش مرتاحه مارضي وحاول يضربني وناديت والدي ووالدتي اشكيلهم منه راح بابا ضربه وشلحه كل ملابسه وصار جسمه مكشوف امام الكل وعبى جسمه صابون وقلي تعالي اضربيه وخدي حقك منه وفعلا ضربته ورحت غرفه النوم الم اغراضي فجاءه طلعتلي ست كبيره بالعمر شكلها غريب وبخوف حاولت تربطني وتضربني وتمنعني اخد اشيائي لكن مسكتها وضربتها ورميتها عالارض وربطت تمها بمفتاح فجاءه صار يطلع منها صوت غريب زي صوت رجل لكن لغه غريبه مش مفهومه وطلاسم عبارات غريبه كنت بحاول ما اسمع الكلام ولاااركز لانه كان مخيف وفجاءه اتحولت للعبه ومكتوب عليها طلاسم وعبارات غريبه صرت احاول امسح فيها بعدين لاقيت قنينه ماء مقروء عليها مسكتها ورشيتها عليها مااتمكنت مني لكن حاولت تمسك اختي الصغيره من كتفها بس قدرت اشيل اختي منها واطلعها بره الغرفه واخدت اغراضي وطلعت . انا عمري ٢٨ سنه وحامل بال ٩ زوجي الاول اسمه احمد عمره ٣٠ لااعلم عنه اي شي من ٤ سنوات

بدل على ذنوب وخطايا عم ترتكبيها والطلاسم أذى وضرر حدا عم يعملك اياه عليك بالرقية الشرعية ومواظبة الاستغفار