خدمة تفسير أحلام

حلمت اني كنت انا وصحبتي وبنت عمتي فواحد الأرض قاحلة وفيها واحد المسجد كبير وهذاك المسجد حداه واحد السدرة مافيهاش النبق فيها غير الشوك وكان فوق هذيك السدرة شال(غطاء الراس) وهي تقول ليا بنت عمتي وصحبتي يلاه نمشيو نصليو فداك الجامع قلت ليهم انا مانقدرش ندخل ليه حينتاش ماديراش الشال مامغطياش شعري وهما يقولو ليا يلاه راهو واحد الشال فوق ديك السدرة ديره عاد ندخلو صافي مشينا درت داك الشال ودخلنا للمسجد كان كبير وزوين من لداخل لقينا فيه زوج رجال الدين لابسين جلالب بيضين واحد فيهم كان هاز لحنة كاينقش مشات عندو صاحبتي ݣلسات قدامو باش انقش ليها ايديها ومن بعد ݣلسات من وراها بنت عمي حتى هي بغات تنقش وتبعتهوم انا الثالثة كانتسنا نوبتي وفاش كنت كانتسنا نوبتي بان ليا داك الرجل لي معاه فالجامع اديه بيضين ولابس مݣانة وداير الحنة فيديه جات معاه زوينة (النقيش يعني مرسومة وريدات )وبقيت كانتعجب هو راجل وداير ديك الحنة( هاذ الحلمة دازت عليها تقريبا أربع سنوات وباقي عقلا عليها مزيان فاش كنت حلمتها كنت ملتزمة وكانغطي شعري وصحبتي وبنت عمي باقي ماتزوجوش ولكن دابا مزوجين وانا عازبة )

رجاء إعادة كتابة الرؤية باللغة العربية الفصحى