خدمة تفسير أحلام

شويه دربكه كده ومشكله عامه في الشارع ناس بتوع مشاكل والناس بتجري وراهم علشان نمسكهم وتمشيهم وانا كنت بساعد وبتوع المشاكل وهما بيجروا قدام وكان معاهم عربيه او عربيه تانيه مش بتاعتهم وكان فيه سكه قطر وقطر جاي(كل الناس توقعت القطر هينقلب وهيحصل مصايب من العربيه والقطر) لكن الملخص ربنا سترها بأقل الخسائر تقريبا مش متذكرها بس القطر متقلبش ومحدش اتأذي تقريبا وربنا سترها والناس كلها وانا معاهم فضلنا نقول لا اله الا الله محمد رسول الله والله اكبر علشان ربنا سترها وده ستر من ربنا واللي ربنا عايزه بيكون؛؛؛ وبعد كده روحت القنطره(مكان بيت العائله) وكنت تحت البيت عندنا وكان معايا بناتي (ريتاج وايسل) واولاد اخواتي(خالد وياسمين وسلمي وزياد) واحنا قاعدين بهزر معاهم ببص في السماء لقيت السماء شكلها حلو اوي كنا بليل وقت الفجر تقريبا بقول خالد (ابن اختي) شوف السماء حلوه اوي وعجبته كده وبعد كده بشويه ببص لقيت سمكه شكلها حلو ملونه كده في السماء ولقيتها نزلت من السماء قدامي صحيه كنت فرحان اوي كنت محتار امسكها ولا لا جيت امسكها لقيتها اتحركت نحيه البحر بس مسكتها قبل ما تنزل فيه وبعدها ابص الاقي سمكه بتنزلي المكان اللي انا فيه ونزلي من السماء اكتر من سمكة كبيرةوصغير ةوجيبت طبق انا وريتاج وايسل(بناتي) حطينا فيه السمك وناديت علي دعاء(اختي) ماما طلعت من الشباك قولتلها السمك اللي كنت قايل لدعاء عليه (حاجه زي كده) وكنا مبسوطين اوي وطبعا حمدت ربنا وشكرته واول ما الصبح بدأ يطلع لقيت (ورد ياسمين ابيض) نازل من السماء في المكان كله فرحت اوي وقولت الله اكبر وفضلت اكبر والناس اللي كانت واقفه بتكبر برضه بقول ايه اللي حصل ده كله...بفكر كده بقول يمكن علشان النهارده يوم ذكرى المولد النبوي 🙂وربنا بيراضينا علشان كده محصلش حاجه وحشه والحاجات دي نزلت من السماء فكنت فرحات وصحيت من النوم🙂

مصايب وربك سترها