خدمة تفسير أحلام

انا حلمت ان امي خلفت بنت شبهي اوي بس عندها حسنه ف كل خد انا عندي حسنه ف خد واحد هي عندها ف الاتنين وكانت ف الاول عباره عن هيكل عظمي جت اختي تغير ليها كانت هتقعد علي بطنها زعقت قولت ليها هتموتيها وعدلتها وبقيت نونو وبقي فيها روح كل شوي تعمل حمام اسهال ونغير ليها وبعدين لقيت نفسي عملت حمام صغير بسيط اسهال قولت ازاي وغسلت كام بنطلون منهم واحد بتاع امي وقولت بتاعي عاوز يتغسل تاني كويس، وجارتنا اعطت امي 50 جنيه كنقوط ف النونو وف الاخر لقيت اختي هي الا شايله البنت وانا بقول انها بنتها وان جارتنا الا متجوزه بعد اختي بقي عندها بنت زيها طول الحلم اقول سبحان الله بقي الواد يطلع حلو وابيض والبنت سمراء وكنا فرخانين بيها اوي واقصد بالواد الحلو دا محمد اخويا علي اساس في منه اتنين واحد اخويا تاني صغير بن اختي وبعدين مشيت انا وامي لوحدنا ف مكان وطلع علينا كلبين اصفر منهم واحد جلده واقع وانا بقول ان دا جمال صعيدي جارنا طمعان فينا عاوز ياخد من امي فلوس بس هربنا منه بس رجلي، كانت ف حلم تعباني اوي وامي واختي كل شوي يسترحوا وانا مش بقف وبجري لحد ما وصلت انا واختي الي شارع واسع كل حاره فيها عروسه وانا باصه عليها بامنيه كبيره واختي ف حلم لابسه فستان ابيض وانا لابسه فستان ازرق من درجات الازرق علي موڤ كدا طويل ومنفوش بقول ان اختي بتغظني دا مساله وقت والبس الابيض وفضلت اطلع علي سلالم بن خالي عاملها وحاطط عليها صور خطيبته كل ما يرتبهم حد يكسرهم كنت هقع بس هو رتبهم مش وقعت وصحيت انا عزباء، اختي متجوزه بقالها 7 سنين من غير خلفه حاليا تسعي للحقن مجهري بن خالي فعلا خاطب وامي ارمله وجارتنا الا اعطت امي فلوس متجوزه وعندها بنتين وجارتنا الا اتجوزت بعد اختي مش اعرف خلفت ولا لا هل من تفسير

زوال مشكله وفرج قادم