خدمة تفسير أحلام

السلام عليكم ورحمة الله وبركاته لوسمحت حلمت حلم مش فاكراه بالظبط ولكن فيه إنى كنت في المعهد الدراسي بتاعي فى المرحلة الإعدادية وكان في مدرسة لى انا وهي قاعدين نتكلم مع بعض وهي بتشتكيلى من حاجات مزعلاها وغالباً في حياتها الزوجية وكان معاها شنطة وفتحت الشنطة قدامي الشنطة كان فيه ذهب كتير والى شوفته بالظبط غوايش وأنا قولتلها بلاش تشيلى الذهب فى الشنطة خليه فى البيت ( وأنا من بعد ما خلصت دراسة مش على تواصل معاها خالص) .. وأنا قاعدة معاها جات مدرسة تانية على معرفة بها لحد الان والمفروض دى حصتها وكل اصحابي كتبوا فى الكشاكيل بتاعتهم وانا كنت ناسية كشكولى وكتبت فى ورقة ولما جه دورى عشان اروح للمدرسة عشان تعلملى ملقتش الورقة ودورت عليها لحد ما لقيتها واخدتها ورحت للمدرسة ولما وصلت لعندها قعدت اعيط بطريقة جامدة وهي واصحابي حاولوا يهدونى الحلم دا قبل صلاة الفجر بعد صلاة الفجر حلم آخر برده ناسية بس متذكره منه ان كنت وبعض أقربي فى مكان هو تقريبا مسجد وفي ناس كتيرة وبنت خالتى قالتلى على اختين موجودين انهم جاين يعطوا دروس علم وأنا قلت إنى هسألهم لو حد فيهم معاه إجازة فى القرآن تعطهانى ( انا فعلا بقالى فترة بفكر فى موضوع الإجازة ونفسي اخدها) وفى نفس الحلم حلمت انى بحفظ أختي لأب قرآن وأنا حقيقى بحفظ قرآن أختى دى عمرها 7 سنين بحفظها قرآن وكانت لابسه بمبرز وعملت حمام على نفسها وهي كانت قاعدة على رجلى وهدومي اتبلت منها أنا اديقت لأن طبعي بقرف جدا وضربتها وأنا بضربها مامتها بصتلى وأنها يعني عاوزانى اضربها أكتر عشان متعملش كدا تاني وبعدين قمت غسلت ولبست هدوم ثانية واتوضأت. ممكن التفسير جزاك الله خيراً 💜💜

اهلا ومرحبا بك اختي الكريمة.. منامك الاول يدل علي شعور بالضغط بسبب مشكلات بحياتك ولا تستطيعين التكيف معها. ويدل ايضا علي عدم مرونتك في التعامل مع العوائق غالبا يسبقك الانفعال 👌