خدمة تفسير أحلام

السلام عليكم ورحمة الله وبركاته لوسمحت حلمت حلم مش فاكراه بالظبط ولكن فيه إنى كنت في المعهد الدراسي بتاعي فى المرحلة الإعدادية وكان في مدرسة لى انا وهي قاعدين نتكلم مع بعض وهي بتشتكيلى من حاجات مزعلاها وغالباً في حياتها الزوجية وكان معاها شنطة وفتحت الشنطة قدامي الشنطة كان فيه ذهب كتير والى شوفته بالظبط غوايش وأنا قولتلها بلاش تشيلى الذهب فى الشنطة خليه فى البيت... وأنا قاعدة معاها جات مدرسة تانية وحقيقي كانت مدرسة لى وعلى معرفة بها لحد الآن والمفروض دى حصتها وكل اصحابي كتبوا فى الكشاكيل بتاعتهم وانا كنت ناسية كشكولى وكتبت فى ورقة ولما جه دورى عشان اروح للمدرسة عشان تعلملى ملقتش الورقة ودورت عليها لحد ما لقيتها واخدتها ورحت للمدرسة ولما وصلت لعندها قعدت اعيط بطريقة جامدة وهي واصحابي حاولوا يهدونى... الحلم دا قبل صلاة الفجر بعد صلاة الفجر حلم آخر برده ناسية بس متذكره منه ان كنت وبعض أقربي فى مكان هو تقريبا مسجد وفي ناس كتيرة وبنت خالتى قالتلى على اختين موجودين انهم جاين يعطوا دروس علم وأنا قلت إنى هسألهم لو حد فيهم معاه إجازة فى القرآن تعطهانى ( انا فعلا بقالى فترة بفكر فى موضوع الإجازة ونفسي اخدها) وفى نفس الحلم حلمت انى بحفظ أختي لأب قرآن وأنا حقيقى بحفظ قرآن أختى دى عمرها 7 سنين بحفظها قرآن وكانت لابسه بمبرز وعملت حمام على نفسها وهي كانت قاعدة على رجلى وهدومي اتبلت منها أنا اديقت لأن طبعي بقرف جدا وضربتها وأنا بضربها مامتها بصتلى وأنها يعني عاوزانى اضربها أكتر عشان متعملش كدا تاني وبعدين قمت غسلت ولبست هدوم ثانية واتوضأت.ممكن التفسير جزاك الله خيراً.

وعليكم السلام ورحمه الله وبركاته اختي الكريمه أولا إن شاءالله هفسرلك الحلم الأول أما الحلم الثاني رجاء ارسليه في رسالة منفصلة حتي يتم تفسيره بمفرده لطول الحلم أما بالنسبة للمنام الأول إن شاءالله بسم الله والصلاه والسلام على رسول الله إن صدقت رؤياكم أختي الكريمة فهي رؤية تظهر حياتك فالمعهد الدراسي هي حياة أعباء وواجبات مطلوبة منك وهو ما تعيشين فيه الأن من تحمل مسئولية ملقاه علي عاتقك والله اعلم أما بالنسبة للمدرسات فهم رموز فقط والشنطة هي في الواقع ما تحملينه من اسرارك الشخصية ويبدو والله اعلم هناك شخص ما تتمنين الارتباط به ولا تستطيعين البوح أو الإفصاح عن ذلك وهو ما يسبب لك القلق الظاهر في الرؤية المتمثل في بكائك الشديد والله اعلم أسأل الله أن يصلح حالك وييسر امرك ويرزقك الزوج الصالح عاجلا غير اجلا يارب العالمين