خدمة تفسير أحلام

حلمت اننا ف جنازة جد جوزي (وهو في الحقيقة متوفي وانا عمري ماشفته) وانا راكبة جمب جوزي في عربيتنا ومستنيين الجنازة تتحرك قدام البيت ( بس هو فى الحقيقة مش بيتنا ده بيت عمي) وحماتي ف الكرسي اللي ورا جوزي والكرسي اللي ورايا فيه بنات من عيلة جوزي بس ماشفتش وشهم... وانا لابسة فستان ابيض وله جناحات كدة وحلو اوي وطرحة بيضا... فقلت لجوزي وحماتي مش كنتو قلتولي دانا لابسة ابيض قالولي مش مشكلة.. اتحركنا بالعربية ورا الجنازة ودخلنا شوارع بس نضيفة اوي وكلها رخام ومزروع ورد كتير جمب البيوت بس الورد ده طالع من ناحيتي انا بس مش من ناحية جوزي وحماتي... ولقيت وردة كبيييرة اوي وبيضا حتى عودها ابيض طويلة وداخلة عندي من الشباك خدتها وكنت فرحانة بيها اوي.. وبعدين لقيت بنات كتير واقفين طول الطريق بردو من ناحيتي انا وبيرمو عليا ورد من شباك العربية... طلعنا من الشوارع دي ونزلنا من العربية وخدت دراع حماتي وورانا البنات بس جوزي مش معانا ولقينا سوق كبير وزحمة اوي يفصلنا عن مكان دفن المتوفي ده.. وكلهم سبقونا والمفروض اني اوصل حماتي عندهم وهي متضايقة اوي ان ستات العيلة وصلو وهي لا.. انا تعبت كتير جدا عشان اعديها من السوق وكنت بقولها اقعدي ارتاحي واروح اتأكد من الطريق اللي مشيوا فيه وارجع اخدها تاني لحد مالقيتهم ووصلتها هناك فعلا وشفت حمايا وهو بيدفن باباه ده.. بس قبل مانوصل لقينا ناس كتير وحماتي قالتلي اهم هم دول قلتلها لا وبعد ماعدينا منهم قلتلها دي جنازة حد مسيحي لأن الناس دي مسيحين وانا عارفاهم... ( ملحوظة انا متزوجة في بيت عيلة وحماتي صعبة شوية)

زعل يحصل