خدمة استشارة أسرية

مشكلتي حبي الزائد لامي والخوف الدائم عليها من الشيخوخة وكبر السن اعمل ايه في الهواجس تللي بتجيلي ناحيتها وشكرا

السلام عليكم ورحمه الله وبركاته ابنتي الحبيبه حبك لامك حاجة جميله جدا وربنا يديمها عليكي نعمة ويرزقك رضاها ويرزقها برك الشيخوخة مرحلة هتمر بيها لا محالة ولكن عندما تمر بيها وحواليها أولادها البارين وأحفادها الطيعين المحبين بتبقي أجمل مراحل العمر لأنها بتكون جنت ثمار تعبها المرحلة دي حبيبتي متوقفة عليكم أنتم امك أدت واجبها نحيتكم دوركم بقي تردوه ومتقلقيش طول ما أن جنبها هتعيش سعيدة بإذن الله والشيخوخة مرحلة كلنا هنعيشها لكن اهم حاجة تعينيها علي الطاعة وتساعديها علي أداء فروضها ودائما تتكلمي معاها بالرفق واللين في أمور الآخرة وربنا يطول عمرها ويسعدك بوجودها يارب ربنا يوفقك ويسعدك أبنتي الكريمة