خدمة استشارة أسرية

السلام عليكم ورحمة الله اختي نسيم الصبا ارجو منك نصيحتي انا نجحت في الثانوية العامة بمجموع فوق المتوسط وانا تعبت وذاكرت لكن ده نصيبي اعمل ايه علشان اقنع اهلي بكدة بيزلوني وبيهنوني وانا معتش قادرة اتواصل معاهم وزهقت نفسي حد يخفف عني او حتي يسمعني ومش لاقية اعمل ايه هموت 😢

وعليكم السلام ورحمه الله وبركاته ابنتي الكريمة أولا مبارك النجاح وربنا يوفقك بكلية معقوله بصي يا حبيبتي ياريت تخلي والدتك تقرأ كلامي هذا اولا الكلية العالية ليست هي نهاية المطاف ربنا هو اللي بيختار لينا إحنا بنسعي والنتيجة علي الله وبنتك تعبت واجتهدت وده نصيبها ليس تقصير منها تفتكري مهما تعملي هيغير شيئ في اللي اتكتب اللي هيتغير أن بنتك لما تلاقي دعمكم ومساندتكم هتتفوق في المجال اللي ربنا كتبهولها لازم تحتوي بنتك وتفتخري بيها في كل الأحوال ولادنا هم زرعتنا وثروتنا الحقيقية مش لازم تبقي الدكتورة أو المهندسة علشان تثبتلك إنها ناجحة وجودها في حضنك وهي بصحتها وبارة بيكي بمليون شهادة أحمدي ربنا وإن شاء الله هتشوفيها أحسن مما كنتي تتوقعي ربنا يوفقها في كل امورها