خدمة تفسير أحلام

حلمت كأني مت وكأن السطح بتاعنا هو المكان اللى لما حد بيموت بيروح فيه وبعدين انا كنت زعلانه وعماله اقول انا ايه اللى جبني هنا انا لسه ف حاجات كتير معملتهاش لسه كنت عايزة اشتغل وقولت كذا حاجه بس مش فاكراها وبعد كدا بصيت حوليا لقيت ست كبيرة قاعدة ولابسه خمار ابيض وماسكه مصحف وبتقرا فيه(بس معرفهاش فالحقيقه) وبنات رايحه جايه ورجاله ف مكان تانى وكان ليهم دقون وانا كان ف بالى ان دول الكفار فقعدت جنب الست الكبيره اللى كانت بتقرا قران وكانت ماسكه مصحف فانا قولت الله كان نفسى يكون عندى مصحف زى دا واحفظ القران حتى كلامه كبير وحلو ( بس المصحف كان غريب من جوه الكلام لونه احمر ومش مكتوب زى القران الكلام ورا بعضه لا كان نص سطر مثلا وبعد كدا ربع سطر ومش عارفه الكلام كان قران ولا كلام عادى) المهم الست قالت خديه بس مش فاكرة اخدته ولا لا المهم سمعنا دوشه كدا وناس بتقول الباب انفتح كأن باب الاخرة انفتح وممكن نرجع للدنيا تانى فانا بقول للست الكبيره الى جنبى شوفى الناس بتنزل للدنيا تانى فقالت سبيهم شويه وهيرجعوا وشوفت اتنين من الرجاله كانوا بينزلوا ع السلم الى موصل للدنيا على بطنهم وانا كنت مستغربه هما ليه بينزلوا كدا ولقيت البنات بيحضروا نفسهم عشان ينزلوا للدنيا وكل واحد ليه حد بيجى ياخدوا للدنيا تانى فانا كنت مستنيه حد يجى ياخدنى فلقيت واحد بينادى على اسمى فطلعت اشوف مين لقيت شاب كدا ( بس معرفوش ف الحقيقه) بقوله انت مين قالى مامتك بعتانى عشان اخدك مامتك عند السوبر ماركت فانا قولتله ماشى هالبس الكوتشى واجى معاك ورحت البس الكوتشى كان ف فرد كتير من نفس نوع الكوتشى ونفس الالوان خدت فردتين وجيت البسهم واحده قالتلى الفردة دى بتعتى فقولتلها لا دى بتعتى انا فقالت لا بصى فلقيت الكوتشى من جوه واحد لونه ابيض وواحد لونه اسود فهي اخدت الفردة اللي كانت عايزها وانا اخدت فردة تانيه بس مش فاكرة انا اخدت الى من جوا ابيض ولا اسود (الكوتشى كان لونه اسود وفى خطوط لونها احمر ولون تانى مش فاكرة ممكن اخضر) المهم لبست الكوتشى ونزلت معاه وانا ماشيه انا وهو ببص ف ايدى لقيت عنب كأني اخدته من فوق وقولت للشاب اللى كان معايا شوف العنب دا عمرك ما هتلاقى زيه على الارض مش موجود غير فوق بس واديته منه شويه ف ايده عشان يدوقه وانا كمان كنت باكل من العنب الى ف ايدى بس لقيت فيه عنب بايظ ( العنب كان لونه اصفر وكان مطاول شويه).. انا انسه وايام ما كنت حلمانه الحلم كنت تعبانه شويه

دليل على خوفك وقلقك من الموت وان انتي لسه متجوزتيش ولا فرحتي ولا عملتي حاجات كتير حلوة نفسك تعمليها وتعيشي حياتك كنتي مكتئبه شويه ولكن الحلم يلفت انتباهك للتقرب من الله سبحانه وتعالى أكثر وأكثر وان تكوني مع الله وعليكي بقراءة القرآن دائما وتعلم التجويد وطريقة القراءة جيدا واما عن العنب فهو التعب اللي كان عندك وتكوني بخير