خدمة تفسير أحلام

حلمت ان ماما جت البيت وبتقولنا انها لاقت عريس لأختي وبتقول لأختي قومي البسي عشان هما مجهزين الفرح هناك وانتي هتروحي تلبسي الفستان وتحضري الفرح وتروحوا على الشقه وخلاص فأنا اعترضت اوي وقولت انتي ازاي تجوزيها كدا مينفعش ازاي ميكونش فيه خطوبه او شبكه او حتى يكونوا شافوا بعض قبل الجواز بس اختي قامت تلبس عشان تمشي معاها عادي وماما كمان قامت تلبس وانا ماشيه وراها عماله اقنع فيها ان دا غلط وهي مش هاممها كلامي وكان فيه واحده جايه مع ماما كأنها من قرايب العريس او كدا فأنا عليت صوتي وقولت لماما ايه اللي انتي بتعمليه دا ازاي تجوزيها لواحد لا هي شافته ولا هو هامه يشوفها حتى ولا عملنا خطوبه ولا اتفقنا على اي حاجه فماما ضربتني عشان قريبة العريس متزعلش فأنا زقيت ماما وروحت لأختي على الاوضه وهي بتلبس وقولتلها انتي ازاي راضيه بداه قالتلي مش مهم فأنا قلت خلاص مش رايحه معاكوا الفرح فماما قالت مش مهم وخدت اختي ومشيوا فأنا لبست هدومي ورحت دروسي وكأن معايا في الدرس بنتين من قرايب العريس وكانوا بيتكلموا عليه وبيقولوا لصحابهم ان العريس بتاع بنات وراح يجهز نفسه للفرح عند الكوافير والجواري حواليه لابسين مايوه وبيجهزوا فيه فأنا شتمتهم فجت بنت من صحابي اسمها أميرة وقالتلي بتشتميهم ليه دول قرايبي فقولتلها دول قرايب جوز اختي فأنا قولتلها يعني انا وانتي كدا قرايب بردو فهي قالت اه ومشيت بعدين رجعت البيت وجم اخواتي المتجوزين وبيحكوا لبابا اللي حصل في الفرح واختي كان شكلها عامل ازاي وانا كنت زعلانه بعدين اختي( اللي كانت بتتجوز ) جت عندنا واخواتي كانوا بيسألوها انتي عامله ايه وكدا بس هي كان شكلها مختلف ووشها مليان وهاديه اوي ...(هي في الواقع عزباء)

عريس يتقدم لاختك ولكن في كلام يحصل يزعل ولكن يعدي على خير ويتم الموضوع ان شاء الله اما عن أحداث الحلم تحصل ولكن مختلفه قليلا لما يحصل الكلام اللي يزعل