خدمة استشارة أسرية

أنا عندي مشكله ومفيش حد ممكن يساعدني فيها ممكن تقوليلي أعمل إيه عشان أنا حاسه بعجز أنا اختي لسه مكلماني النهارده وبتقول لي بابا بيتحرش بإختي الصغيرة إلي عندها 15وإلي قالت لي عندها16 طبعا أنا ما صدقتش بابا دايما بيقلنا نصلي ونلبس محترم وبيجمعنا نصلي جماعه وهو كمان بيعمل كدا فقلت لها تحكي لي التفاصيل قالت لي إنه في البدايه قالت لأختي الصغيرة تنام جمبه عادي وكان حاضنها عادي بس بعد كدا كان بيلمس صدرها بصباعه وبعد كدا كان بيجيبها ويقول لها إن الصدر من أماكن الإثارة في المرأة ومش عارفه إيه ومسكه جامد تلات مرات وبيقول لها الهنش كمان وبيقول لها إن مرات صاحبة بتغير منها هيا هطله جدا وعبيطه ومش بتعرف توقفه لما مسك صدرها جامد النهارده ووجعها راحت قالت لأختي إلي أكبر منها بسنه وبعد كدا أجبرتها تقول لي لإن المفروض إن أنا العاقله طبعا عندي إخوان أكبر مني بس مشاعرهم ها تتحكم بيهم وماما أصلا في مشاكل بينها وبين بابا ،سألتها الموضوع دا بدء إمتى قالت إنه بدء من أسبوعين لما بدءت المشاكل بينه وبين ماما وسألها تروحي مع أمك ولا تقعدي معايا وهو بدء يتصرف معاها كدا ،أنا الوقتي خايفه إن فيه اخت أصغر في البيت لسه ما تعرفش تتكلم خايفه يعمل فيها حاجه وكمان أختي دي من كلامه معها إنه ها يدخل على المرحله إلي بعدها بس البيئه إلي منعاه عشان البيت والزحمه ،فيديني أرجوكي هو راجل معاه تعليم عالي ومتعلم جدا و كان شيخ في فترة أنا مش عارفه أعمل إيه

السلام عليكم ورحمه الله وبركاته اختي الكريمه أولا حسبي الله ونعم الوكيل في كل شخص يفرط في الأمانة ويستبيح شرف محارمه بدل ما يكون هو الحافظ الأمين عليه للأسف يا بنتي الجريمة دي انتشرت وزادت عن الحد ومبقتش مجرد تحرش وصلت للاغتصاب وحمل البنات من محارمهم حفظكم الله علشان كدة يا بنتي الموضوع ده لازم يتحسم مفيهوش خنوع ولا خوف مش هنستني لما الفاس تقع في الرأس ابوكي طالما الشيطان زين أخواتك ألبنات في نظره وألقي في نفسه الشهوة المحرمة تجاههم مش هيفرق معاه الدكتوراه حتي خدي أخواتك وانفدي بجلدك انقذيهم روحوا لوالدتك واحتموا بيها بعد ربنا ولو مامكنش هدديه بفضحه فهو ناوي يفضحكم وهو الأولي بالفضيحة خليكي جريئة وحاسمة ولا طاعة لمخلوق في معصية الخالق ودلوقتي لغاية ما تشوفي حل نهائي أخواتك ألبنات ميسبوش بعض ابدا وميسمحوش أنه ينفرد بواحدة منهم ووعي أختك الصغيرة متسبش اخواتها مهما اغراها بالهدايا ويقفلوا باب اوضتهم اعمليلهم ترباس من جوة ومياكلوش ولا يشربوا حاجة من أيده كلهم مرة واحدة افرضي حاطط منوم ما الشيطان هو إللي بيحركه لو واحدة نامت التانين هيعرفوا أنه داسس منوم يصرخوا ويستنجدوا باللي في البيت وربنا يحفظكم جميعا يا حبيبتي من أفعال الشياطين دي وربنا يهديه ويردله عقله يارب