خدمة استشارة أسرية

السلام عليكم ورحمة الله وبركاته انا متزوجه من شهر و اسبوع والله من على بالحمل انا الان حامل ف الشهر الاول زوجى بيحبنى جدا و بيقدرنى و بيحترمنى ولكن يوم ما جاء يتقدملى ابويا شاف شقته اللى ف بلده معجبتهوش علشان صغيره جدا جدا وقاله احنا عاوزين شقة تمليك هنا فى بلدنا وهو قاله ماشى و نعمل خطوبه 3 سنين لحد ما اجيبها ولكن جاءت ظروف كورونا و كله قعد من الشغل فقال لبابا نتجوز ف ايجار دلواتى وربنا يفرجها بابا قاله ماشى بس بنتى متدخلش شقتك اللى ف بلدك دى وجوزى وعد بابا اننا هتفضل هنا ولكن الايجار غالى اوى علينا ومحسيناش بقيمته غير بعد ما سكننا و صعبان علينا يكون عندنا شقة تمليك ونأجر وزوجى جه واجهنى أنه مش قادر على فلوس الايجار واننا هنروح شقته اللى ف بلده انا ف الاول زعقت و مبطلتش عياط يومين متواصلين لانى لسه عروسه وكمان خايفه من اهلى بس لما فكرت ف كلامه قولت هو كده كده هينفذ اللى فى دماغه فأنا لو عندت هخسر زوجى و ف الاخر هروح هناك برده ولكن لما فتحت الموضوع مع أعلى عارضونى جدا و زهقونى بالكلام جدا وقالو ده مكانش اتفاقنا و انتى هتسيبى المكان النضيف وتروحى هناك وكلام كتير جدا و يقولولى عادى نساعدكم ف الايجار وطبعا زوجى مستحيل يقبل على نفسه كده و زوجى كده كده بيسافر السعوديه وكلها شهرين ومسافر وانا هفضل عندهم ف البيت فصعبان علينا برده نأجر الشقه وهى مقفوله وهما برده مش مقتنعين اعمل ايه و مين غلط زوجى ولا أعلى ولا انا لأن نفسيتى سيئه جدا افدنى أفادك الله

وعليكم السلام افعلي ما يطلبه منك زوجك فانت الان زوجته وله الولاية عليك وبالنسبة لاهلك حاولي ان تقنعيهم باسلوب وانها فترة شهرين وسوف ترجعين اليهم وزوجك سيسافر من اجل ان يكسب المال ويسكنك حسب رغبة اهلك وان عارضوا فسوف يرجعوا ويسامحوك لان ابوك وامك لن يهون عليهم ان تتطلقي من زوجك ولن يرضوا ان يعاملوك كغريبة او عدوة لهم