خدمة تفسير أحلام

حلمت ان ماما نشرت هدوم أطفال على سور البلكونه ولقيت الهدوم بتقع قطعه ورا التانيه عند الناس اللي تحت فقولت كويس انها بتقع ع الارض مش الحاجز اللي حاطينه(اللي بيتحط علشان المطر دا مثلا) فروحت البلكونه لقيت شكلها مختلف وفيها كراسي جديده لونها أصفر قولت جايز ماما جددتها، خصوصا انها ف أوضة نومهم ومش بدخلها(دي شقه غير اللي ف الواقع) وأنا بلم الهدوم اختي جت قالتلي انها خسرت ٤٥٠ جنيه طلبت بيهم حاجات اون لاين وطلع نصب. وشوفت قطط صغيره تحت فشاورتلهم فطلعتلي واحده لونها غامق فخليتها تنزل تاني وبعدين طلعتلي واحده مشمشي شيلتها وبرضو نزلتها تاني واتفاجئت بكلب أسود كبير طلعلي فاضطريت اطبطب عليه علشان ميعضنيش فحبني بس بقيت عايزه انزله تحت وأرميه حاولت اشيله كان تقيل جدا، فقفلت بوقه بايدي الاتنين علشان ميعضنيش وبقيت أوقع لكن معرفتش وفعلا الكلب غضب مني وبقى عايز يعضني لكن بابا شاله وطبطب عليه وكلم صاحب الكلب ييجي ياخده فأنا جريت علشان اجيب اختي يمكن الشاب دا يشوفها ويحصل نصيب ولقيت بابا وماما كمان جايين علشان يدوروا عليها لنفس السبب، انا متزوجه وعندي طفلين واختي ٢٥ سنه انسه

انتي محتاره في امرك عايزه حد تفضفضي معاه مش لاقيه حد فاهمك وتحسي انك تايهه مش عارفه انتي متجوزه والا مش متجوزه وأهلك مشغولين بحالهم ومش عايزه تشيلي حد همك تقولي كفايه اللي هما فيه وفي شخص تحاولي تسيطري عليه مش عارفه