خدمة تفسير أحلام

حلمت خير يارب انى دخلت الحجرة اللى انا فيها فى شغلى الحالى ويجلس بها ثلاثة موظفين غيرى وكانت زميلتى بدور اولهم داخله فبقول لها انا شكلى بنزف دم قالت مش مهم وانا مالى فظللت ازعق فيها (فى الحقيقة احترمها واقدرها بشدة) وناهد الثانية كانت جالسة تنظر لى ومؤمنه قالت اهدى هو فين فاخرجت قطعة قطن عليها دم فقالت لى لازم دكتور يشوفيك وهى غير مهتمه ، فقالت ناهد مش لازم صوريها وابعتيها للدكتور هتعرفى فيه ايه فجيت اصورها بالموبيل ماعرفتش فخرجت من حجرة المكتب بعد ان قعدت اشتم فى بدور زميلتى مرة أخرى ووجدت رجل غريب فى الطرقة بتاعة الشغل فقلت له ان يساعدنى فى تصوير قطعة القطن اللى عليها دم واثناء التصوير خرجت بدور فاهتز الرجل فوقع الموبيل وكان لونه اسود وجبته من الارض لاقيته اتكسرت الشاشة فقعدت اتخانق كلاميا معاها واشتمها ، فقال الرجل الغريب كويس انه اتكسر هو فيه حد بيصور حاجة زى دى وصحيت من الحلم

السلام عليكم ورحمه الله وبركاته خيرا أن شاء الله الرؤية تدل على أن هناك مشاكل ستحدث بالعمل وانك المخطأة وسوف تتجازى عليه فى العمل وتكون صديقاتك منهم التى هى السبب و منهم الغير مهتمة وانك تريدين أن تقدمى شكوى على الجزاء الذى اخذتيه و لكن ستعلمى من شخص آخر أن هذا لا يستحق الشكوى و لن تقدميها لأنك انتى المخطأة هذا والله تعالى اعلى واعلم