خدمة تفسير أحلام

حلمت اني مع واحده اسمها ايمان لا اعرفها في الحقيقة و كنا في بيتها و ووالدها كان رجل كبير و كان يبكي وواضح عليه الحزن وجاء ٢ ضباط سألوا عنه و لماذا يبكي فانا رديت ان في مشاكل اسرية و بعدين ماما نقلت كنبة من مكانها و انا بقول لها كانت الاول احلى و بعدين جاء ابن خالي (اسمه اسلام) و كان معاه موبايل جديد من نوع ايفون و لونه احمر و انا كنت معجبه بيه و قلتلة مبروك و ربنا يسعدك وبعدين بفتح التليفون ده لقيت صورة كوب كابتشينو من اللي بيكون مرسوم عليهم اشكال من فوق و كان عليه شكل قلب و بقوله انا نفسي في كوب من ده ف خرج من المطبخ ابن خالي الثاني (اسمه احمد)وقالي هعملهولك حالا قلت له لا خلاص لما اخلص العلي كافيه اللي انا عملتة دا (اسم النسكافيه كان علي كافيه)و بعدين احمد قال ظهري بيوجعني قلت له تعالى اطقطقه و جيت اطقطقة كان مش بيطقطق بس بيطلع صوت تكتكة كل ما ادوس عليه وبعدين خرجت انا و ايمان دي من البيت وزي ما يكون مشينا على البحر ورجعنا البيت كانت ايمان تعبانه و محتاجة ترجع ودخلنا بيتها تاني و الحمام كان مفيش فيه تواليت و كان في جردل كده فوق البلاعة فيه ماء هي رجعت فيه و كان وشها متبهدل من الترجيع و بعدين سمعنا صوت من الحمام قلتلها انت مشغلة الغسالة قالت لا براسها كده مش كلام و بعدين قلتلها دا صوت دش في حد جوة و ابتدينا نخاف و انا كنت عايزة انضف لها مكان الترجيع لقيت وشها نضيف و الجردل اللي رجعت فيه كان عبارة عن ماء و الترجيع كله كبد و قوانص و بعدين قمنا نبص على اللي في الحمام ماعرفناش هو مين بس اخدنا المفتاح بتاع الحمام من الباب و هو قال ليه كده انتوا فاكرين ان انتم كده مش هتخولوني اخرج انتم اللي عملت ا كده و انا اخدت ايمان و بطلع انا وهي من البيت واخدت شنطتي و تليفوني و هو كان فتح الباب بس احنا خرجنا من البيت و قفلنا و انا كنت بفكر اكسر المفتاح عشان ما يقدرش يفتح تاني بس ثنيت المفتاح بس (في الحلم كان بيت ايمان مستأجر قبل ما هي تسكن ) انا في مشاكل زوجية بقالي فترة في الحقيقة(ايمان الموجودة في الحلم لا اعرفها في الحقيقة و لكن هي كانت في مثل سني و شكلي لكن اصغر حجما مني قليلا

بسم الله والصلاه والسلام على رسول الله أن صدقت رؤياك اختي الكريمه فهي إشارة إلى تفاقم المشاكل وتصل لذروتها وستعلم العائلة وهناك من سيتدخلون من أجل إصلاح الأمور وبالفعل ستنتهي مشاكلك وهي الكبد والقوانص اللي رجعتيهم لأن إيمان تؤول لك أنت في الواقع والترجيع هو إنتهاء هذه المشاكل التي كانت في الأصل كلام يتناقل لزوجك عنك وتوقيع ببنكم والله اعلم أسأل الله أن ييسر امرك ويفرج همك ويرزقك من حيث لا تحتسبي