خدمة تفسير أحلام

حلمت ان انا صحيت ورحت الدرس بس تقريبا رايحه بدري عن المعاد فدخلت وقعدت وكانت صحبتي علياء موجوده وكنت كل شويه ببص في الساعه اللي هي لابساها واسألها الساعه كام وهي تجاوبني وكنت بنسى وبسألها تاني بعدين صحيت من النوم ( في الحلم بردو ) وكانت اختي ابتسام المتزوجه موجوده وكأن خالي ابراهيم جايلنا فقعدنا على السلم وكان البيت والسلم مختلف عن شكل بيتنا فخالي ادى اختي واحده مانجا وواحده بطيخه صغيرة واداني بطيخه صغيره بردو بس قبل ما يديني واحده المانجا راح واكل منها انا اضايقت بس اخدتها واكلت منها مع اني كنت قرفانه بعدين ماما صحتني من النوم ( لسا في الحلم ) وقالتلي قومي افطري وراحت تعمل حاجه في المدخل وكان لسا كل اللي في البيت نايم قمت ودخلت اوضه الجلوس فلقيت صينيه عليها 3 اطباق الطبق الاول كان فيه شويه اكل وقطعه شكولاته فوقه والطبق التاني كان فيه اكل اكتر شويه وعليه قطعتين شكولاته والطبق التالت كان مليان اكل وعليه 3قطع شكولاته فقلت الله شكولاته ولسا هاخد واحده لقيت ماما من المدخل بتقولي لاء الشكولاته بعد الاكل فقلت ماشي فقعدنا انا وماما نفطر فلقيتها اخدت الطبق المليان وعليه 3قطع شكولاته وحطته وراها وقالت هناكل من الطبقين دول اما الطبق دا مش ليكي او مش هناكل منه دلوقتي وبتتكلم كأن هي عايزه تخلص عشان وراها حاجه او هتروح الشغل ( للعلم هي في الواقع ربة منزل ) فببص ورايا لقيت في دب اسود كبير في المدخل فخوفت ومكنتش قادره اتكلم ففضلت اهز في ماما واقولها ماما ماما بصوت مش طالع وهي بتبصلي وهي ساكته ومبحره وكان باين عليها التعب الشديد وعينيها مليانه عروق حمرا وشكلها تعبانه جدا بعدين الدب دخل البيت اوضه الجلوس وكان معاه دب عملاق اكبر منه كأنها مامته وكانوا جبنا وزي مايكون بيدوروا على اكل وانا عماله اهز في ماما واقولها ياماما قومي يلا الدب وراكي وهي مبحرالي وكأنها مش سمعاني وانا عماله اعيط ومكنتش عايزه اقوم اجري من غيرها بعدين فجأه لقيتها صحصحت وقامت جريت على الشارع على طول وانا قمت اجري بردو بعدين الدبين لما شافونا بنجري جريوا جوا البيت فانا افتكرت ان بابا واختي واخويا نايمين جوا فأنهرت ومكنتش عارفه اعمل ايه او انقذهم ازاي وكنت زعلانه جدا بس ماما مشيت

اول الحلم يدل على بعض القلق والتفكير عندك من موضوع معين وفي مناسبه سعيده ولكن ليس الان ولكن في أذى خطيتم عليه من أعداء لكم وكل مناسبه أو فرح ليكم لازم يحصل حاجه وكلام كتير. اختك خبر حلو ليها قريبا ولكن في زعل عندها وانتي كلام يتقال على لسانك يتفهم غلط وحد يغلطك فيه وتكوني في شوية ضيق وقلق في بعض التصرفات تحصل مش بتعجبك وتتكلمي فيها لكن رايك مش بيتاخد بيه وتحاولي تبعدي عن كل ما يضايقك وهدى أعصابك شويه