خدمة تفسير أحلام

حلمت انى زى مايكون فى شقتى ال كنت عايشه فيها بس كانت مختلفه والدنيا مختلفه خالص وجوزى وحمايا كانو هناك واخت جوزى وهى مكلمتنيش علشان ف مشكله وبصتلى كدا وسابتنا ومشيت وانا كنت بكلم حمايا بلوم عليه وبشتكيله وبقوله أنا عايزة زمتك وبما يرضي الله ال اتعمل فيا دا ترضي يتعمل فى بنتك جهاد سكت ومردش ومكنش عايز يرد وانا مصممه على السؤال واقوله قول بامانه ترضي يتعمل فى بنتك هى وجوزها ومن كتر مابلح عليه فى السؤال قولتلو لو جاوبت على سؤالى هتنازلك عن الشقه برضه سكت وبص ف الأرض ومكنش بيرد خالص وجوزى ساعتها كان واقف بينادى وبيستعجلنى ومش عايزنى اتكلم مع حمايا .وبعدين نزلنا أنا وجوزى ماشينا ف شارع زحمه وزى مايكون رايحين ملاهى العيد بس لقيناهم خلصو وبيفكو المراجيح أنا متزوجه ومعايا ولد وحامل

ضيق وينتهي