خدمة تفسير أحلام

حلمت ان انا فى المدرسه قاعدة ف فصل وبمتحن وحليت والامتحان كان بالنسبالى سهل خلصت بدرى وطلعت من المدرسه خالص وبعد كدا افتكرت ان ماما واختى مستنينى جوا المدرسه فجيت عشان ادخل المدرسه الباب كان مقفول وكان ف ست كدا معرفهاش ف الحقيقه قولتلها عايزة ادخل المدرسه شاورتلى ع السور فطلعت ع السور ونطيت لجوا المدرسه ورحت لقيت البنات صحبى واقفين قدام الفصل الى ف الامتحان وماسكين ورقه الاسئله شوفت بنتين ودول كانوا معايا ف الكليه فواحدة منهم كانت بتسالنى ع سؤال ف الورقه حليته ايه فببص ف ورقه الاسئله افتكرت انى سبت سؤال كامل ونسيت احله والسؤال دا كان رقم ٤ ف الورقه وكان ف نقطتين والسؤال دا كان عليه 10 درجات مع انى كنت عارفه الاجابه بس نسيته مش عارفه ازاى وكنت زعلانه فطلعت تانى من المدرسه (بس مش فاكرة بطلع ازاى من المدرسه انا بس مرة واحدة بشوف نفسى بره المدرسه وعايزة ادخل تانى) فبعد ما طلعت من المدرسه افتكرت انى مش شوفت ماما واختى وانهم جوا المدرسه فقولت تانى للست عايزه ادخل فشاورتلى ع السور تانى بس كل مرة طول السور بيكون مختلف المرادى كان اعلى من المره الى فاتت بعد ما طلعت كنت خايفه انط بس ف الاخر نطيت ودخلت لاقيت واحدة من البنات بتعيط وماسكه ورقه الاسئله فبسال مالها قالوا جوزها حل الامتحان غلط فرحت قولتلها معلش عادى هيعدى انا بردوا نسيت احل سؤال فهى اتعصبت وجابت ورقه الاسئله وبدات تكتب حاجات عند كل سؤال كأن دى اجابات جوزها وكانت بتكتب بقلم لونه احمر بس كلام مش مفهوم كأنه علامات او رموز كدا انا مش كنت فاهمه ايه دا بعد كدا شوفت صورة كأنها صورة صفحه شخصيه لفيس كان موجود فيها صورة بابا وماما وهما عرسان بابا كان ف ناحيه من الصورة وكان ظاهر وشه بس وماما كانت ف الناحيه التانيه وكان ظاهر وشها بس بوقها مش ظاهر وشوفت صفحه تانيه لبنت اسمها ساره وكانت حاطه صورتها وجمبها وسيله تعليميه للاطفال وفضلت كتير اطلع من المدرسه وارجع انط من السور ومش شوفت ماما ولا اختى.... عزباء 23 سنه ومخلصه كليه البنتين الى كانوا معايا ف الحلم قدى متزوجين واسمهم نفس اسمى

محنه تمري بيها وتنتهي