خدمة تفسير أحلام

السلام عليكم حلمت انو انا وزوجة اخوي عايشين مع بعض ببيت لحالنا ومو نفس بيوتنا بالحقيقه ولا نفس الحاره كانو في بلد ثاني وبالبيت موجود معانا واحد ما اعرفه بس بالحلم هو زوج اختي واختي كمان موجوده وفي ناس موجودين ما اعرفهم بالحقيقه ثلاث هما جالسين جنب بعض لابسين اسود وجههم باين عليهم شر وملامحهم كان ملامح زوجة ولد خالتي الي ماتت الله يرحمها وكانو يسولفو هما واختي م ادري اش قالو اذكر بس اختي قالت انا مرتاحه مع زوجي ومو محتاجه شي ومدلعني وفجأه اختي مو قاعده معانا ولا ذولاك الثلاثه ماهم في بس انا وزوجة اخوي وزوج اختي قاعدين وفجأه زوج اختي يتعب كأنه بيدوخ ومو قادر يقوم احنا على طول نعرف نقول اختي فيها شي نقوم نروح لها البيت قريب من بعض وفجأه اشوف زوج اختي يقول خلاص قتلوها انقتلت ماتت وانا اجلس اقول استوعب اش قاعد تقول واضرب في وجهه كفوف اقوله اصحى استوعب اش هالكلام كيف تموت وكلنا نعرف انو ذولاك قتلوها عشان قالت الجمله ذيك بس وانا م اشوف جثة اختي ولاشي ومرت اخوي تأكد لي انو انقتلت وماتت خلاص انا اقعد ابكي كثير وفجأه اصرخ بالبكاء وارجع اقول حرام واتذكر هالحديث اثنتان في الناس هما بهم كفر: الطعن في النسب، والنياحة على الميت واقول أخذته حرام واسكت وابكي بصمت زوجة اخوي تجي اقولها خلاص لازم نطلع من هذي الحاره ولازم نبعد عنها انا معاي عيال اختي الي قتلوها بالحلم وزوجة اخوي معاها عيالها ونمشي نودع اهل الحاره وقبل لا نوصل السكه نشوف الي قتلو اختي جالسين في مكان كأنه عتبه جنب بعض ويتكلم باستهزا ويقولو احسن انها ماتت وانا مقهوره منهم بس م اسوي لهم شي واقول لي زوجة اخوي لازم نسكن مكان بعيد شوي زي كندره وكندره ذي حارة اختي بالحقيقه واشوف بنت اختي تمشي اخر وحده و وجها حمر من البكاء ولابسه فستان اسود قصير وتحته بنطلون شفاف ومو لابسه عبايه كأنه سمعت منهم انو امها ماتت وانتهى الحلم واسفه على تطويل الحلم واختي متزوجه وعندها عيال بس من زوجها الأول قريب تزوجت وزوجة اخوي متزوجه وعندها عيال وزوجها موجود معاها وانا عزباء وشكرا

بسم الله والصلاه والسلام على رسول الله أختي الكريمة هذه اضغاث أحلام وليست رؤية الشيطان يتلاعب بعقلك وعليك تحصين نفسك بالرقية الشرعية وقراءة سورة البقرة والاذكار والله الموفق و المستعان أسأل الله أن ييسر امرك ويفرج همك