خدمة تفسير أحلام

السلام عليكم ورحمة الله وبركاته العمر 21/عزباء حلمت أني في مبنى مدرسه وكانت معاي وحده نبي نركب المصعد و ضيعت البنت الي كانت معاي عند المصعد و تأخر المصعد مافتح تركته وركبت الدرج وصلت مكان في درج خشب عشان انزل بس كان ضيق و جاتني بنت اتقول البنت الي معاك ادورك قلت لها ماشفتها نظري ضعيف هي يوم شافتني ليش ما جات لي وبعدها البنت اتأشر لي عن الدرج انه ما أقدر انزل منه اتقول شالو الدرج من بعدك ولا احد يقدر يقرب منه وممنوع وبعدها تركت المكان وشفت المصعد وشفت صديقاتي حوراء وزهراء وحده معايا في الجامعه والثانيه طلعوها الجامعه من سنتين وصلنا أعلى مكان في المبنى واحنا نبي الدور الثاني الي تحته ونزلنا الدرج هم قدرو ينزلون وانا في صخرة كبيرة في الدرج شلتها بسهوله ونزلت معاهم وصلنا بيتنا وكانو جالسين معاي ويبون يشوفون معاي فلم ورحت حق اخوي الوسطي ادور عنده وصله التلفزيون وقال عند الوالد وبعدها ولد جارتنا اسمه مؤمن جاي بيتنا يقول شفتك من سطح بيتنا وجيت وسألته شلون شفتني وفتح النافذه و مافي حاجز عن السقوط تطلع من النافذة اطيح وشفت ولد خالتي ماسك طرف النافذه عشان مايطيح وولد جارتنا يبي يجرب بس كنت اقولهم بطيحون رجعوا داخل وكان ولد خالتي المتوفي واخوي الثاني موجودين والتفت عليهم كلهم ان صديقاتي عندي لاتدخلون لكن ولد خالتي المتوفي طل عليهم واقول اقولك لا تدخل ليش اتشوفهم وبعدها أخوي وولد خالتي المتوفي يختبرون وطلعت النتيجه 19 طلع بلون الاخضر لاخوي وابوي كان يحل عشوائي ويجرب قال نسبته 80 او 90 وهو مومحتسب له لانه مو طالب وبدون اسم وانا 20 قريب من اخوي وكانو صديقاتي أثناء ظهور النتائج معانا وولد خالتي المتوفي قال حق اخوي طلع نتيجتك بس ماشفنا نتيجته و تابعنا درجات باقي الطلاب في بلون الاحمر رسوب والاخضر نجاح

عليكم السلام ورحمة الله وبركاته ملخص رؤياك تغيير يحدث فى حياتك وشخص يدخل حياتك وتغيير للأفضل فاستمرى وواظبى على صلاتك وان حلمتى حلم طويل ارسليه بشكل اوضح من ذلك وفقك الله واسعدك وحفظك