خدمة تفسير أحلام

حلمت ان انا كنت لسا طالعه من درس بالليل انا وصحابي (علياء وأميرا) وكنا ماشيين في شارع ضلمه خالص فقولت هروح معاهم النهارده عشان معايزاش اروح لوحدي فروحت معاهم وهما تقريبا كانوا واخدين سكن لوحدهم بعد ما وصلنا وغيرنا هدومنا وقعدنا لقيت أميرا بتقص ضوافرها بس بتقصها بسكينه وبتقطع نص العقله الاولى كلها مش الضافر بس وبتلف على كل صباع بتقطعه لزق طبي عشان مينزفش وانا كنت مستغربه هي الضوافر بتتقص كدا يعني طول عمري بقص ضوافري غلط ومكنتش قادره ابصلها وهي بتقطع صوابعها ولما سألتها هي الضوافر بتتقص كدا قالتلي اه يا بنتي انتي متعرفيش ولا ايه

بسم الله والصلاه والسلام على رسول الله إن صدقت رؤياكم أختي الكريمة فهي تؤول لأمرين أولهما التقصير الشديد في الدين لأن الأصابع الخمسة تشير لأركان الاسلام الخمسه وقطعها تقصير وتهاون فيهم أما التأويل الثاني هو قطع صلة الرحم وصلتها بأهلها عموماً والله اعلم أسأل الله أن ييسر امرك ويفرج همك وينير بصيرتك أبنتي الكريمة