خدمة تفسير أحلام

من فترة جتنا قطوسه للحوش وكانت أليفة وتلعب معايا ونحسابها رايحه من اصحابها، أنا نظرا لحبي للقطط خدتني بيها رأفة فلعبت معاها ووكلتها وقعدت تتردد علينا بين كل فترة بعدها معش جت، كلامي له علاقة بحلمي اللي نبيله تفسير. الحلم هو إني نفس القطوسه هذي نحلم بيها إنها قاعده في حوشنا وفي السور من قدام وكان معايا خويا، المكان نفسه زمان أنا وياه كنا ديما نقعدو فيه في العشيه نكسدو قبل ما نكرسنوه، المهم نفس القطوسه شفتها متكتفات كرعيها من قدام ولاورا بخيط أسود وتبرم جيتها أنا خايفه عليها نبي نحررها تمت تحكيلي بصوت راجل وصوت غليظ وقالتلي كلام مش متذكرته بحذافيره بس مفاده إنها يا فيها سحر يا خادم سحر يا شي زي هكي وتمت كأنها تأمر فيا وأنا خفت وكاين معايا خويا مشينا وسيبناها. بعدها طول نحلم إني في وحده من ديار حوشنا مع أختي وزوجة خويا، جتنا زوجة خويا اللخره وهذي لما نحلم بيها يكون الحلم سلبي دائماً، جت وسلمت علينا مدت ايدها بمجاملة وماتحكش وهذي ادير فيها حتى ف الواقع لنا انا قتلها كان ماتبيش تجي ماحدش جابرك اتجي عادي ما اتجيش بس ما اتسلميش هكي واديري مشاكل بينا تمت توخر نين وقفت عند باب الحمام وتمت تبكي واتشير بإيدها كأنها ماتقدرش تحكي وتبكي وكاين شكلها بائس وتاعبه وسمينة جداً في الحلم وفي الواقع هي جسمها عادي.

لازم شيخ معالج بالقرآن