خدمة تفسير أحلام

السلام عليكم حلمت بالامس اني انا ووالدتي ببيت بس ما بعرف بيت مين وفي ناس من قرايبي بس ما بذكر مين فتت عالمطبخ اتطلع على اغراضي وصرت احكي اغراضي ناقصين اكيد اخدتهم مرت ابوه لزوجي .. رحت عند والدتي وفتحت الباب وقلتلها اغراضي نصها مسروقه ناقصه اكيد اخدتهم سميحه (مرت ابوه لزوجي) وله امي بتاشرلي عند الكنبه الي عند الباب هاي سميحه .. كانت مرت ابوه قاعده منقبه وبالاصل هيا منقبه وكان ابنها حمزه معها وبنتها زينب اجت لحقتني مرت ابوه زي تهجم عليا بس لما صرت ابعد عملت حالها بتحبني وبدها تحضني وصارت تقلي ليش ما بتسئلي علي يا عمتي ليش ما بتسلمي علي انا خفت وصرت ابعد واقلها ابعدي عني شوي طلعت زي كيس فتله الشاي وفيه فتله تانيه صغيره بس فيه اوراق وبودره بيضه زي السحر انا خفت لما شفته وناديت والدتي قلتلها تعالي شوفي السحر من المنظر والدتي خافت وقالت خليه عشان نوخده عند شيخ يفكه بمي وملح ويقرا عليه بس الكيس اختفى وكانها اخدته . وكان جوزي قاعد بين مجموعه من الناس موجودين بنفس المكان وبدخن جيت اطرده وقلت لمرت ابوه هاد شو بده مني خلص يطلق ويروح يخطب ويشوف حاله حكتلي مرت ابوه هوا رح يطلق بس لما نخنقك ومانخليكي تعرفي تكوني مع حد تاني بعده .. انا متزوجه وحامل بالشهر الثامن في مشاكل بيني وبين جوزي وشبه منفصلين من شهر ٥ وطالبه الطلاق لانه سيئ جدا وزواج فاشل عمري ٢٨ سنه

اظن مفيش فايده