خدمة استشارة أسرية

السلام عليكم ورحمة الله انا ظلمت اخويا واخدت نصيبه في ميراث امي استغليت اننا عايشين لوحدنا وهو متزوج وانا كرهت مراته في زيارتنا واتهمتها بالباطل لغاية ما بطلت تيجي عندنا واستغليت سلبية اخويا معاها واستوليت علي كل قرش امي سيباه وانا دلوقتي عايزة اديله نصيبه وخايفة لما يعرف يقاطعني اعمل ايه

وعليكم السلام ورحمه الله وبركاته اختي الكريمه انتي لسة بتسألي تعملي إيه اعملي الصح تتقي الله وتدي لأخوكي حقه كامل غير منقوص إنتي عملتي جرمتين في حقه افتراكي علي مراته وموضحتيش لاي مدي ظلمتيها والجريمة التانية أكلتي حقه إيه الجبروت ده خلي عندك الشجاعة واعتذري من مراته وردي حق اخوكي بقي خايفة يقاطعك ومش خايفة من ربنا الموت ياتي علي غفلة وربنا بيسامح في حقه ومبيسامحش في حقوق العباد استحملي لوم اخوكي وزعله زي ماهم استحملوا ظلمك وافتراكي ومهما حصل متهيألي اخوكي غلبان لأنه معافرش معاكي من الأول وفوض أمره لله فيكي يعني هو لو جامد شوية كان سابك تستولي علي كل قرش كان زمان العكس هو اللي حصل توبي إلي الله وصلحي اخطائك قبل فوات الأوان وقت ماينفعش فيه الندم وربنا يصلح حالكم وييسر اموركم وشكرا