خدمة تفسير أحلام

حلمت بان بحاول اعدى شارع اسفلت عليه سيارات كتير بتمر وخايفه خاجه تخبطنى وجنبى بردو قطه خايفه تعظى بردو وكل مره تخاول تعدى تيجى عربيه بسرعه فترجع جرى وتنونو جامد وانا خفت مره ترجع عليا وانا اصلا بخاف من القطط وكده ممكن اقع قدام اى عربيه فقعدت اراقب القطه والسيارات مع بعض لغايه ما عديت بس سمعت صوت كلب بيهوهو جامد قلت أكيد القطه خبطتها عربيه بصيت ورايا لقيت طفل مرمى على الارض والكلب بيهوهو جنبه والطفل لسه مولود ومحفور على جسمه اسم عبدالرحمن أحمد حسن واسم بلد اسمها العوينه فهمت ان ده ولد مخطوف وده اسمه وعنوانه وقفت شويه شباب حكيتلهم القصه وطلبت منهم ياخدوا الولد لباباه بس قالولى نخيط جروحه الاول فجأه لقيت دكتوره نسا صاحبتى جات وخيطت الولد وواحد من الشباب قالى انا كمان عندى جرح فى صدرى وكشف على الجرح قلتله لا ده جرح مكان عمليه قلب مفتوح وصحيت من النوم وروحت المستشفى لانى دكتوره أطفال واول طفله كشفت عليها فى اليوم ده عامله عمليه قلب مفتوح بنفس الجرح الى شوفته فى الحلم

تعدي شارع =عرض زواج ليكي. حاجه تخبطك =خايفه من المشاكل اللي تحصل من هذا العرض. واحد متجوز يتقدملك والقطه هي زوجه أولى. ترجع وخايفه حاجه تخبطها=هتعمل مشاكل وتطلب الطلاق لكن ترجع تاني ومش عارفه تنهي الموضوع بينكو. تراقبي في القطه =تتابعيها وتتابعي اخبارها. وفي عدو ليكي وهي حياتها تتبهدل خالص. عبد الرحمن تقابلي حد فعلا بالاسم ده. وفي حد يعمل عمليه ولكن ياخد علاج وجزء من الحلم اتحقق قريب انك شوفتي البنت وعندها مشاكل وعايزه علاج ولكن في حد كبير يمرض ويحتاج تدخل جراحي وانتي تساعديه