خدمة تفسير أحلام

السلام عليكم حلمت ان باب بيتنا بيخبط روحت اشوف مين سمعت صوت جدتى المتوفية( هى فى الحقيقه كان عندها زهايمر وكان بيتهيألها اشخاص هتضربها وكانت بتقعد تزعق وتصوت وانا كنت طفلة وقتها فكنت بخاف منها) لكن الباب فتح بسهولة معاها واول ما شافتنى بصتلى بفرحة وقالتلى وحشتينى وبكت من الفرحة وبعدين قالتلى على حاجة اجى اخدها من عندها بس مش متذكرة ايه هى قولتلها حاضر بس بنحضر الاكل دلوقتي نخلص واجيلك ماما كان الوقت ده واقفة عند البوتجاز بتسوى ارز ابيض وهى دخلت لحد عند ماما وشافت الاكل راحت ماما جابت معلقة عشان تغرفلها بيها تاكل وبتقولى هى شافت صباع الكرنب المحشي وكان نفسها فيه وبعدين مشيت من غير ما تاكل أى حاجة وهى ماشية كانت لابسة عباية لونها احمر وكانت قصيرة جدا وانا قولت هى جدتى كانت مش طويلة فى الحقيقه بس مش بالقصر ده خالص

عليكم السلام ورحمة الله وبركاته جدتك برحمه الله وغفرانه فى الجنه وهناك رزق وخير قادم لبيتكم لكنها تحتاج دعاء وكذلك صلة أرحام أولادها حتى تفرح وترتاح روحها وعليكم اخراج صدقه على روحها وفقكم الله واسعدكم وحفظكم