خدمة تفسير أحلام

.. حلمت اني كنت عند ستي وجدتي كانت عايشه(متوفيه) وانا طلعت عند عمي (مراته عملالنا سحر) وبقوله ازايك ياعمي حسام راح بيرد عليا من غير نفس وانا واقفه علي باب الشقه بتاعته بس شقتهم كانت مش نضيفه خالص ومراته بتقولي ازايك يازينب وانا ماردتش عليها وبعد كدا امي كانت قاعده ف اوضه ف البيت عند ستي وبتقولي بقا اكلتو وماشلتوش صنيه الاكل وبعد كدا لقيت عمتي جايه بتضرب اختي اسماء وعماله تشد ف شعرها وتضربني انا وهيه واحنا لبسنا كان مبهدل اووي وعماله تضرب بغل ع اخرها وانا كنت بموت من العياط واحنا كنا ف البيت من فوق وراحت بعد كدا ستي قالتلي خدي يازينب شنطه اللحمه المفرومه والرقاق ده حطيه لساره ف التلاجه (ساره دي صاحبه اسماء وبتعاني من سحر وتعبانه ) رحت حطيتها وساره بعد كدا فضلت ترن ع اسماء وتقولها عاوزه اللحمه راحت عمتي ( إلهام) قالتلي روحي يازينب جيبي شنطه اللحمه والرقاق من التلاجه طلعت اجبهم لقيت مرات عمي اللي عملالنا سحر دي واقفه وكان وشها اصفر وعامله زي اللي هتموت وشقتها لا تطاق وعماله تغسل ف السجاد وكانت معاها مرات عمي التانيه اسمها (برنسه )ودي مش بتحبنا و عماله تبصلي بصات غريبه وعماله تنضف ف البيت ع اخرها ولبسها كله تراب بس البيت ماكنش بينضف خالص ومرات عمي اللي عملالنا سحر دي بتقولي تعالي يازينب اغسلي معايا ماردتش عليها ونزلت تحت عشان اديهم الشنطه بتاعت اللحمه والرقاق لقيت ناس قاعده ف المكان بتاع ستي والمكان كبير بس كان فيه ناس كتير وناس نضيفه وكانو لبسين لبس نضيف ودهب كتير وبقول هوا ف اي راحو قالولي ده ناس جايه تصالح ابوكي مع عمك (عاصم ) ( وعمي وده زعلان من ابويا) بس انا كنت متأكده ان حد جاي يخطب اختي لانها كانت فرحانه اووي ووشها كان منور والبيت كان كله فرحه انا واختي #انسه ..نعاني من سحر تعطيل واختي سحر وعاشق

انك عند ستك=معناه انك امر قديم لكي مؤثر عليكي و الي الان شاغل بالك. ومسببلك ضيق والم. عمك حسام ورده عليكي=انه حد مشيله منكم ومش سايبكم في حالكم ودايما خلاه يكرهكم ومش طليق بقف معاكم أو يكلمك. شقتهم مش نضيفه=مشاكل ودايما مفيش خير عندهم. مراته تقولك ازيك =تعمل العمله ويعني أن هي بريئه ومش بتاذي حد ولا ليها علاقة بحد وفي حالها وعامله نفسها ملاك واللي يشوفها غير اللي يعاشرها. مردتيش عليها. =عارفه بنيتها وعارفين عاملها. والدتك=طيبه وعلى نيتها ومش بتشيل من الناس وتقولكو اللي عايز يتكلم كلموه عادي. عمتك تضرب اختك=محدش مصدق ان يكون هناك شخص اذيكم ومش ومتغاظه ومضيقه منكم. انتو مبهدلين =انقلاب حالكم من الضيق اللي انتو في وبهدلتكم خالص مشاكل كتير جدا. عياطك=عجز عن مقاومة ما يحدث لكي من أمور صعبه عليكي. اللحمه المفروم لساره =يتقدملها عريس لكن لا يتم الموضوع. ساره ترن =وصال بينكو وبين ساره وده غلط جدا لما يكون اتنين فيهم مرض روحي ويتكلمو لأن الاتنين يؤثرو على طاقتهم الايجابيه فمش هيقدرو يقومو. مرات عمك وشها اصفر=هي داخليا مش كويسه وده داخلها والصفار يدل على الغل والحقد. هما بينضفو=يدل انهم كلامهم واتفاقتهم مع بعض وبيدارو عملهم دايما. ومع ذلك بيحاول يتابع اخباركم خدي حذرك. هتعملي اللي هقولك عليه وتابعيني لو اي استفسار. عليكي بقراءة سورة البقره يوميا وأذكار الصباح والمساء والنوم وقيام الليل ومسح البيت بميه بملح بحنه من عند العطار وجركن في ميه تقرأي عليه سورة لبقره ومتشربيش الا منه والاستغفار الف مره والصلاة على النبي صلى الله عليه وسلم الف مره وزيت زيتون عليه رقيه شرعيه وتدهنو منه ومسك و٢١ ورقة سدر و١٠ جرام زيت ريحان وملح صخري و١٠ لتر ميه تخلطيهم وتغتسلو بيهم وترشو البيت والميه بملح متسبيهاش على طول وتقرأو الفاتحه على طول ده برنامج ليكو انتو التلاته وطمنيني عنك