خدمة تفسير أحلام

حلمت ان انا واختي ف البلد وشباب لابسين لبس جيش كتير ع الجسر بتاع البلد واختي بتبص من شارع كدا وبتضحك عليهم ومستخبيه والشارع الي حدا ما ضلمه وانا شايفاها بس هما لا وانا بضحك زيها جامد وكان معايا عنب وباكل فيه ف بتوع الجيش دول كانو هيقبضوا عليا عشان عماله اضحك عليهم وفهمتهم اني مش قصدي وكدا ف واخد من بتوع الجيش باصلي ومن نظراته انه معجب بيا ف قولت انه وقفتنا غلط وماما ممكن تشوفنا ولقيت ماما جايه وشايله ع راسها مايه بس شافتناش تقريبا ف خادني وركبنا توكتوك وكان ف واحده ف التوكتوك غيرنا بس كجسم شكلها اكبر مني بكتير بس مكناش نعرفها ولابسه حاجه بيضه ف قالها تدخل عشان نركب جمبها ومسكني من ايدي ودخلنا التوتوك ف بقوله ليه عملت كدا اللي فهمته انه هيروح لبابا ويتقدملي وانا كنت فرحانه جدا بيه ف بيقول انا ما صدقت لقيتك وكنت خايف تكوني موجوده ومكنش واخد بالي وانا فرحانه اوي وف بالي انه يارب الموضوع يكمل عشان انا عندي سحر وكنت خايفه لاميكملش ..اعاني من سحر وجن عاشق

اولا انتي واختك =تعانو من تعطيل وسحر انتو الاتنين ولكن انتي ظاهر معاكي الموضوع أكثر مش بيكمل معاكي اي موضوع. الضحك =غيظ وضيق من حياتكو مش مرتاحين وتعانو كثيرا. في حد يتقدملك ولكن مش هيحصل نصيب الان. والدتك شايه همكم والتوكتوك زعل دايما. واحد يطلب منك الارتباط ويوعدك انه يتقدملك لكن يقولك ظروفه وعنده وعنده ومواضيع كتير وانتي تقولي التعطيل اللي عندي هو اللي عامل كده لكن خدي حذرك منه يزعلك. واحده تساعدك وتحاول تدلك على شيخ أو معالج كويس لأن لفيتو كتير. عنب تاكليه=عندك بعض المعاناه كالصداع وتعب المعده ورجليكي. دايما. الشخص اللي عايز الارتباط لو عرفك على حد من اهله متأمنيش بردو. مشكله كانت تحصل ولكن تعدي على خير وعليكي بقراءة سورة البقره يوميا وأذكار الصباح والمساء والنوم وقيام الليل ومسح البيت بميه بملح وجركن في ميه تقرأي عليه سورة لبقره ومتشربيش الا منه والاستغفار الف مره والصلاة على النبي صلى الله عليه وسلم الف مره