خدمة تفسير أحلام

السلام عليكم لو سمحت حلمت ان أبي عنده محل ملابس وفي زميله لى اعرفها جايه تشترى من عنده اشترت عباية بيتى وكانت عجبانى وكان فى منها اتنين غير اللى هي أخذتها وقلت انى هاخدلى واحدة منهم واشترت حاجتين كمان والمفروض ان فى واحد شغال مع أبي فى المحل قالها سعرهم ولما انا جيت اقول لأبي خفضلها السعر قال 300ج قولتله ازاى كدا رخيص اوى قال مش مشكلة وعطتنى 300ج فاكه كتيرة يعنى كأنهم انصاص وعشرينات ولونهم أخضر استغربت شكل الفلوس وهي الفلوس دى هتنفع؟ تقريبا ابي قالى عادى والبنت مشيت وانا ومشيت اروح البيت وكنت شاريه وانا راحه البيت حاجات كتير من المنظفات ومستحضرات التجميل وحطيت الحاجات قدام باب الشقة وكنت بعمل حاجه جيت لقيت واحدة جارتنا مدخلهم جوا البيت والمفروض كان لها حاجة فيهم واخدتها وبعدين بصيت فى الشارع بتاعنا لقيته محلات قماش الشارع كله قماش وباشكال وألوان حلوة وأنا كنت فرحانه عشان اشترى منهم (فى الحقيقى ابي معندوش محل ملابس) وجزاك الله خيرا.

أبشري بسعة كبيرة في الرزق لوالدك ولك ...ان كانت لديك هموم أو مشاكل ستخرجين منها وترمز النقود الخضراء إلى سعة في المعيشة أما الفكة فتؤول بفك عقدك وزوال كربك ..يعبر مشهد الفتاة التي اشترت من والدك ..بحاجتك أحيانا إلى أشياء لا تجدين سبيلا إليها..هذه الحاجة سوف تزول ويرزقك الله من حيث لا تحتسبين ...محلات القماش التي فرحتي لرؤيتها تعبر بالرخاء والغنى ...والله أعلم