خدمة تفسير أحلام

حلمت بيوم فرح اختي وكان عندنا قريبنا وقرايب العريس بعدين لاقيت السقف بتاع الشقه عندنا بينزل ميه صفرا والحيطان مبلوله فماما بتقول كنا جبنا عزال اختك وحطناه هنا عشان ميتبهدلش بعدين لاقيت صحاب اختي بيقولولي ادخل احمرلهم لحمه من الطبيخ عشان ولادهم ياكلوها دخلت ولاقيت اللحمه محطوطه ف بيض وانا بسويها الدنيا كانت ضلمه ومش عارفه اشوف الاكل والنور مكنش شغال ف المطبخ بس وكل ماحط حاجه الاقيها لونها اغمق والعيش بيتحرق ع النار بسرعه وانا بحاول الحق الاكل ومش عارفه وصحابها وقريبنا واقفين مش بيعملو حاجه واختي كانت عيونها مليانه دموع بس معيتطش والمكياج بتاعها بقا ع خفيف وعريسها مكنش موجود بعدها شوفت عمي بيكلم مراته وبيقولها انا هعملك المرتبه اهو ونزل يعملها مرتبه من الاسمنت وكنت مستغرباه بعدها لاقيت تيران بتجري وراه واحنا بنجري وفيهم واحد دخل ف عمي من ورا وعوره جامد من الخلفيه ونزف دم ورحت اجبله مطهر والحقه انتهي الحلم انا اختي مكتوب كتابها بس لسه انسه

من الاخر جوازه سوده