خدمة تفسير أحلام

حلمت أن شخص غريب دفعني من على قمة جبل حجري، بس وأنا بقع مسكت في حتة من الحجارة وفضلت اتسلق الجبل تاني لحد ما وصلت للقمة واستنيت شوية علشان اللي دفعني مايعرفش إني عرفت أطلع تاني، وكان في ناس على الناحية التانية كنت خايفة يعملوا أي رد فعل يعرف منهم إني نجيت، وفجاءة لقيت نفسي بداخل جزع شجرة وبتزحلق جواه علشان أوصل للأرض وفعلا نزلت ومعايا عيدان قصب لونها اخضر غامق وطويلة جدا، ولما شافني مجموعة من الشباب خافوا فطمنتهم وبدأت أكسر عيدان القصب علشان أعرف امشي بيها وكمان علشان أدي الشباب دول شوية منهم، مع العلم إن عيدان القصب دي كانت قوية ورغم كده عرفت اكسرها. بعدها الشباب دول ساعدوني في تجهيز شنطة تشبه الشنط الرياضية، حطيت فيها شنط حلوة زي الشنط اللي بنشتري فيها الملابس من المحلات الغالية وده بعد ما استثنيت شنطة منهم كانت مليانة تراب، وحطيت في الشنطة الرياضية الكبيرة شنطة رياضية تانية بس كانت أصغر منها ومش فاكرة فيها أيه، بس هي كانت مليانة وتقريبا كان فيها ورق، وكنت حريصة أنها تتحط بطريقة دقيقة علشان الشخص اللي رماني من فوق او يمكن حد تاني مش فاكرة مايشفهاش، والشباب كانوا بيساعدوني في كده، وبعدها حلمت إني قاعدة في ندوة وحد بيتكلم وانا بسمعه باهتمام، وكان قاعد جنبي ممثل مشهور وكان بيطمني على حاجة برضو مش فاكرة هي أيه

مصاعب تتخطاها في حياتك