خدمة تفسير أحلام

الحلم د من سنه وقت الحلم زميلى د كان حصل سوء تفاهم بنا وزعل منى ومبقاش ف تواصل خالص لفتره أثناء الفتره دى انا حلمت الحلم د بعدها هو رجع اعتزر ليا و رجع التواصل تانى بس محتاجه اعرف تفسير الحلم حلمت انى كان هيغمى عليا فزميلى د لحقنى سندنى و دخلنى بسرعه الحمام و فضل يغسل ف وشى بالمائه و عينى ومناخيرى و شعرى بالمائه بايده علشان افوق وكنت واقفه كنت حاسه انى تعبانه مش قادره اقف ومرهقه وهو ساندنى بايده ففوقت وخرجت من الحمام وسألته انت ازاى شوفتنى مش فاكره قال ايه و لاقتنى ماشيه و بقول كويس انى كنت مظبطه شعرى مسبتوش هايش قبل ما يغمى عليا و كان ريحته حلوه و لاقتنى بقول عايزه مايه اغسل وشى عايزه افوق قلتها كذا مره زميلى د جرى بسرعه جابلى مائه خاف لحسن يغمى عليا تانى ففضلت اغسل وشى بالمائه كتير ولاقيت زميلى اشترى ليا علاج شبه علبه برشام باراستيمول كده ودفع ثمنها ٥ جنيه و زى ما يكون كان دافع ليا ٥ جنيه بردو ثمن مواصلات أو مش فاكره المهم لاقتنى عايزه ادفعله الفلوس اللى دفعهالى ١٠ جنيه كده و حسيت عيب ماديهوملهوش فطلعت من المحفظه عمله ذهبيه عليها ٥ فقلت لا دى مش خمسه جنيه دا شيلن فدخلته و طلعت ٥ جنيه ورقه و ادتهاله فهو اضايق انى بدفعله الفلوس و قالى عيب ماينفعش قولتله خلاص دى الخمسه جنيه بتاعه ثمن العلاج ولازم تاخدها فسكت و حطتهاله ع محفظته و سألنى انتى مش محتاجه حاجه بيطمن بقيت كويسه وكده قولتله ربنا يخليك و لاقيته ف الحمام بيستحمى و صحيت

بيدل هنا الإغماء عن حدث وقع لكي اتسبب في حزن وغم لكي ولكن هو ساعدك في أمور حتي الأمور رجعت مرة أخري بينكم وربما انتي احيانا مش بتحبي حد يكون صاحب فضل عليكي والميه هنا حياه وربما كلام منه بيحي الامل جواكي ولكن بالنهاية الأمور هتستقر وهيقف جانبك في كثير من الامور والاستحمام له خروجه من هموم وشفاء له من امر وربما زواج له والله اعلم