خدمة إفتاء شرعي

كنت ملتزم زماان وانا في سن ال 18 سنه وانتكست وشويه التزم وشويه وانتكس تاني وهكذا وعدت عليا فتره طويله بعيد عن ربنا وعن الصلاه تماما لكن الحمد لله بدايه من رمضان ال فات وانا ملتزم في الصلاه وبقدر الامكان بحاول كل الفروض اصليها جماعه ف المسجد وبحاول احافظ علي الاذكار والدعاء والصدقه .. لكن الفتره دي رغم اني بحاول اقرب اكتر من ربنا حاسس اني مش كويس وعندي احساس دايما اني مرائي رغم اني بحاول اكتر من طاعات الخلوات واتجنب ذنوب الخلوات ولما بدعي ربنا بحس اني قريب منه جدا بس مع ذالك حاسس اني مش كويس الفتره دي بحلم احلام كتير ولما بفسرها بيكون تفسير الحلم اني مش كويس ولازم اصلح من نفسي واقرب من ربنا وكل ما احاول اقرب اكتر احسن اني برضو مش كويس حتي دعائي مفيش اي بشري بانه حاجه من دعائي تتحق كان نفسي جدا اشوف سيدنا محمد في المنام ولما شوفته وجالي وسلمت عليه وحضني ..كان علي غير هيئته وشخص تاني دقنه خفيفه وشكله متغير ومكنتش حاسس او عندي فرحه اني شوفت سيدنا محمد صل الله عليه وسلم..وتفسير الحلم دة كمان طلع اني لازم اصلح نفسي وان ايماني قليل الموضوع تاعبني جدا وخايف انتكس تاني ..احساس اني مش عارف احدد هل انا كويس ولا وحش دة تاعبني

أولا إنت ممتاز لكن مشكلتك تستسلم بسرعه لوساوس الشيطان وع فكره ده صريح الايمان لما تلاقي نفسك مش راضي عن نفسك وبتسمع لنفسك مثلا من خلق الله ؟؟؟ هل ربنا راضي عني ؟؟؟ للأسف بيدخل لك الشيطان من هذه الأبواب والحل (واماينزغنك من الشيطان الرجيم) ونصيحتى لك اد ما عليك ولاتنتظر وعيش لحظتك فقط ويومك في رضا الله.... لاتطلب من الله رزق غد مادام لم يطالبك بعبادة غدا واجعل لنفسك وردا من الذكر عشان الشيطان يزهق منك وبعد ما شفت النبي صلى الله عليه وسلم عاوزه يعاتبك يوم القيامة ويقولك انتصر عليك الشيطان؟؟؟؟