خدمة تفسير أحلام

حلمت بحد بيقولي ان فلان قريبي خطبني وانا فرحت جدا مع اني معرفش فلان دا ولا اعرف صلة القرابة بينا بس انا كنت سعيدة وفرحانة جدا بالخطوبة وكذا حد كان بياجي يسألني انتي اتخطبتي لفلان يزعل لما يعرف وبعدين ظهر فلان دا وقعد يقول كلام كتير يمدح فيه امه وانا مجابش سيرتي خالص ودخل وقعد وانا كنت قاعدة على سلم عالي شوية فهو بص ناحيتي ومتكلمش فأنا زعلت وبقول هو لي متكلمنيش هو حد اجبره انه يخطبني وانا كنت لابسة جيبة وبلوزة منقوشين بنقش حلوة بس كنت لابسة شبشب الحمام بعدين حد طلب مني اعمل عصير فقومت اعمل عصير جوافة فكان قوامه تقيل جدا وفيه بذر وشكله وطعمه مش حلوين زودته مياه عشان يبقى اخف شوية بس طعمه بقي وحش ومكنتش عارفة اشيل البذر منه ومش لاقية كوبيات عشان احط فيها العصير وانا مدايقة اني اتاخرت عليهم بالعصير واقول كدا هيقولو عليا لخمة ومش بعرف اعمل حاجة وبعدين هو اشمعنا خطبني انا وحواليه بنات كتير احسن مني هو هيوافق اني اشتغل ولا لا وشوفت ف الحلم بردو عمتي وجدتي المتوفيه وواحدة معايا ف الشغل وبعدين لقيت تلت كوبيات صفيت فيهم العصير بس لما طلعته للناس قالو لا خلاص احنا شربنا شاي فرجعته تاني وببص عليه لقيته رجع تقيل وفيه بذر زي الاول.

بسم الله والصلاه والسلام على رسول الله إن صدقت رؤياكم أختي الكريمة فهي بشري بالزواج ولكن سيمر ببعض الصعوبات والله اعلم أسأل الله العظيم أن ييسر امرك ويرزقك الزوج الصالح