خدمة إفتاء شرعي

انا متخرجه من الجامعه من اربع سنين ونص ومن لما تخرجت وابويا وامي كل مااكلمهم على شغل يرفضوا كل شويه بحجه، لدرجة كانوا بيخلوني حتى اوقف دراسه في المعهد بتاع اللغة مره عشان اختي ولدت وبعدها قعدوني اكثر من سنه في البيت عشان اخدم واهتم باابن اختي، رغم ان اختي خرجت بعد تعبها تدور شغل وبتشتغل، واختي الثانية بتشتغل وتدرس، والثالثة نفس الكلام بتشتغل وتدرس وانا امي تزعق لي ومابتخلينيش اخرج، جت فترة من السنة اللي فاتت واشتغلت شغل للساعه 8الليل وماكنتش اعرف اروح وقت الظهر وكنت بروح تعبانه جدا وكانوا بيعملوا مشاكل اني بحقق احلامي على حسابهم ويضغطوا عليا عشان شغل البيت اني مابقدرش الحق عليه ،وكنت مكتفيه بالراتب بتاعي مابطلبش حاجة حتى لو ناقصني ،ومن الضغط في الشغل والبيت تعبت جدا وجا لي روماتيزم شديد في المفاصل لدرجة كنت اتأثر بأي حاجه ومااعرفش امشي ،وكمان تأثر عندي صمام القلب اضطريت استقيل وقعدت في البيت كانت اختي تقولي التزمي بعملك بتاع البيت كامل وكنت بقوم اغسل الملابس وانا تعبانه ،وتقدم لي زميلي في الشغل وحصلت مشاكل بين اهله واهلي ورفضوه اهلي وانا كنت عايزاه ،ودلوقتي بقى لي6اشهر من لما تعافيت بحفي ورا والدتي انزل ادور شغل لكن رافضه وبتحرمني اخرج من البيت رغم ان اخواتي بيخرجوا يشتغلوا ويدرسوا ويتفسحوا وبيروحوا كل مكان ،وانا مابتخلينيش اخرج عشان اخدم في البيت والكل بيظلمني حتى لو طلبت حاجه في نفسي اكلها لاني تعبانه وعندي مشاكل في الجهاز الهضمي مابأكلش الخبز ومنتجات القمح ابويا يزعق عليا ويقول لي ماتبقيش مبذره رغم ان اكلي طول اليوم اربع بيضات فطار وعشاء وربع صدر دجاجه وزبادي اتغدا بيه ومابأكلش حاجه غيره ،ونفسي اشتغل واحقق احلامي بس مش راضيين عشان بيقولوا فرح اختي قريب ،وانا زعلانه من جوايا جدا لان والدي ووالدتي بيعملوا لاخواتي حاجات كثير وانا بيحرموني حتى من اني اشتغل بس عشان اخدم في البيت وخواتي يخرجوا،اعمل ايه انا مش قادرة استحمل اكثر وهم بيظلموني

إنت مظلومه ومن حقك العمل