خدمة تفسير أحلام

السلام عليكم حلمت حلم فيه حبه لخبطه شويه وتفاصيل انا آنسه حلمت كأني في نادي رياضي واسع ومعايا صاحبتي وفاء (آنسه) وانا بقولها عايزه اشتري كوتشي شراب ابيض قالتلها تعالى شوفي ده قسته وكان كويس عليا بس فيه تراب عليه و لقيتها لابسه زيه بالظبط بس وحش اوي عليها ومطبق من الجوانب وهي لبساه وانا قولت يبقى بتاعي هيكون كده لما استخدمه وبقيت مش حابه اشتريه ومكسوفه اقولها كده تفتكر اني بعيب عليها فجيت أحاسب الراجل علي الكوتشي وانا بقول مع نفسي مش عايزه اشتريه هيبوظ بسرعه ومش هيكون حلو بس انا مش عارفه اتصرف وخايفه أحرج وفاء فجأه لقيت صاحبتي التانيه هبه (مخطوبه) جمبي بتحاسب الراجل وفتح العلبه عشان يأكدلها على اللي اختارته كوتش ابيض في اسود وطلع هو وانا قولت انه حلو فعلا وبعدها فتح العلبه بتاعتي عشان يأكدلي على اللي اختارته بس طلع مختلف خالص وانا فرحت جدا انه مختلف والكوتش كان أبيض فيه خطوط سوده وبكعب شويه فقولت لوفاء هو مش اللي اختارته بس ده حلو وهقيسه ده حتى بكعب وقيست بس وانا بقيسه الكوتش اتحول لجزمه شمواه سوده في رجلي وشكلها جميل عليا ومن غير كعب وانا بربط رباطها وبقول لصاحبتي خايفه يتقطع قالتلي لا اربطي من غير شد ومش هيتقطع وفعلا ربطته بس لقيت تراب علي الجزمه ومسحتها بأيدي وانا بقول عيب الشمواه بيبان عليه التراب بسرعه بس مش مشكله هو ميزته مجرد ما يتمسح بيلمع تاني وصاحبتي وفاء اتحولت لصاحبتي تانيه اسمها هدير (متجوزه) وانا لابسه الجزمه السوده وبجربها بقولها بس دي على الأرض خالص فقالتلي ايوه بس انتي لسه في طولي حتى وانا لابسه بكعب اهو

زواج من رجل قد تتعرضى عليه فى البدايه لبعض الأسباب ثم تكتشفى السعاده كلها والخير كله وأنه بالفعل شخصيه عظيمه ومحترم معه فعليك ان تقدم لك خاطب دراسه كل جوانب شخصيته وظروفه وبعد ذلك تقررى لا تتعجلى وابشرى بالخير و السعاده وفقك الله واسعدك وحفظك