خدمة تفسير أحلام

حلمت ان انا طلعت من البيت بليل والناس نايمين ومش قولت لحد كأنى رايحه مكان معين بس وانا ماشيه فى الشارع كنت عماله اقول لنفسى مش كان مفروض اطلع ف الوقت دا وكمان المكان الى انا رايحه بعيد هفضل للصبح لحد ما اوصل وكنت لابسه فى رجلى جزمه بكعب عالى وانا ماشيه ف الشارع كان ف ولاد شباب كتير قاعدين فى الارض ف الطريق وواحد منهم كان فارد رجله فى الطريق سد الشارع وانا معديه مش راضى يلم رجله فانا حاولت اعدى من فوقها بس كل ما اعدى من فوق رجله هو ينقل رجله ويجيبها قدامى تانى كان بيعاند يعنى رحت دايسه ع رجله جامد وعديت ومشيت وانا ماشيه كنت بدخل شوارع كتير وكانت الشوارع ضيقه وقصيرة وكان ف تحويدات كتير ف الشوارع ودخلت شارع كان فى بيت قدامه كتاكيت مش فاكرة بقا كانوا بط صغير ولا فراخ وكان حجمهم صغير جداااا عن الطبيعى ولاقيت نفسى واقفه ف وسطهم ومش كان ف مكان اعدى منه او اتحرك ولما جيت اتحرك دهست على كتكوت منهم بالغلط ومات وكنت منهارة ساعتها وكنت خايفه جداااا وانا ماشيه النهار طلع وكنت عماله اقول ماما وبابا زمانهم صحيوا واكيد هيقلقوا عليا وانا مش كنت وصلت حتى المكان الى كنت رايحه.. عزباء ومش بشتغل

عودي إلى الله والتزم بطاعه وبعون الله تنالي الفوز