خدمة تفسير أحلام

اشكرك لأنك رديتي عليا لان اهلي بيقولو كلام بيضايقني اكتر... زي معظم الرجاله كده وعيشي عشان عيالك بس انا لما لقيته بيعمل كده في ولاداتي الي فاتت خصوصا ان كان في طفل اول وتوفي... فأنا الهدف فقدت الأمل اني احمل تا ني عشان مشوفش الي شوفته تاني بس الشقه اللي احنا فيها فيها مشاكل كده وكنت عايزه امشي منها قالي ماشي وبعدين مرضيش يعمل حاجه وكمان انا حطيت دهبي فيها عشان نسيب الإيجار وجبليش دهبي حتى ففكره الحمل جاتلي تاني عشان الفلوس اللي بيخبيها مننا تتصرف منه ويعرفش يشيل حاجه بسب المصاريف اللي هتبقى عليه حتى كل اهلي بيقولولي كده وكأنه غصب عنك وحصل من غير ماتعرفي.... بس انا كنت عايزه كلمتين يصبروني وخلاص بس انه ممكن انا اربي ولادي كويس ويبصو عليه ويعملوا زيه ده خوفني لان حتى الحاجه اللي انا مستحمله عشانك هيهدمها على دماغي وانا مش هينفع اطلق خالص لان اهلي بيقولولي انهم مش هيربو عيال غريبه وكمان هو مش هيسبهملي لانه عنده عيلته كلها ستات وأمه عايشه ومن اخر خناقه معاه وهي واخده موقف مني ومبتكلمنيش وانا معنديش لامكان ولادخل يخليني اعيشهم واصرف عليهم فمطره بكل لاحوال اني اعيش كده ان بس حبيت اشرحلك الموضوع كله ومش فارق حتى أن الناس يشفوا الكلام ده وبشكرك تاني مره على تعبك وكتابتك ليا وربنا يجعله في ميزان حسناتك والسلام عليكم ورحمه الله

صدقيني والله ما بقولك كلام يصبرك أنا فعلاً مستغربه من حال رجالنا والله أنا أولادي ماشاء الله تبارك الله عقبال ما تشوفي ولادك أبني الكبير في كلية الحقوق وبنتي في طب علاج طبيعي وابني الصغير في ابتدائي يعني جواز 25 أقسم بالله ما اعرف مرتب زوجي كام ولا دخله إيه المهم ااكد عليه يكون حلال ده المهم لكن وطبعاً مفيش إنسان خالي من العيوب لكن الفرحة اللي بتنسيكي كل همومك لما ولادك ينجحوا وتشوفي زرعتك قدامك ماشاءالله تبارك الله عليها وقتها هتنسي هموم الدنيا احتوي ولادك وكرسي كل حياتك إنك تغرسي فيهم الأخلاق الطيبة ومتحقريش من ابوهم قدامهم أبدا وجاهدي معاه أنه المحرمات ميعملهاش عالاقل قدام ولاده ويا حبيبتي إنتي ليكي ربنا هو السند الحقيقي اتضرعي له واتعشمي فيه أنه يصلح حال زوجك والله الدعاء والاستغفار بيعملوا معجزات ربنا يحفظك ويحفظ أولادك ويطمن قلبك ويهدي زوجك عاجلاً غير اجل يارب يا قوي يا متين