خدمة تفسير أحلام

السلام عليكم انا تزوجت من ٨سنين والمشكله الي في حياتي هي زوجي وهقولك ليه هو مشكله كبيره... بخيل كداب على اتفه الأمور واغلب الحاجات الي بيكدب فيها هيا معيش فلوس ويحلف وطول عمري معاه بيقول معيش بيتعاطي حاجات بعض المسكرات لما بيتعصب من كلامي لما اغلطه بيسب الدين وملوش عزيز ولا غالي حتى اهله مبيسألش عليهم الا لما يتصلوابيه انا ربنا رزقني بولدين ونفسي في بنت وخايفه احمل تاني عشان مبيرضاش يتكفل بمصاريف الحمل والولاده ومستلزمات الطفل وكذه مر امشي بسب انه مش عايز يديني مصاريف البيت وبعد كده بقا بيضربني لما نتخانق ومش بيصلي كل اللي يهمه في الدنيا جمع المال والعلاقه الحميمه وانا وصلت لدرجه اني مش طايقاه ومش بنام جنبه من سنين مع العلم اني مش مقصره في واجباتي كزوجه وانااخر خناقه كانت من شهرين ضربني وقولت انا لأهلي انا مش هرجع تاني وعايزه اطلق وجبت سم فران لما لقيت مفيش طلاق واني مطره عشان مسبش عيالي وهو حاليا هو كويس بس انا مبقتش شايفه منه كويس وكل حاجه بيعملها شيفاهه وحشه ومكنتش كده قبل كده.... انالما بقعد افكر في حالي بخاف من نفسي ومن اللي ممكن اوصله بقول لو مات هرتاح وبعدين بستحرم واقول في الاخر انا باكل من خيره وبتمنى اني اموت عشان اتخلص منه وخلاص انا عايزه اعرف دايكون عقاب من ربنا ليا ولا تكفير ذنوب لو مفيش حل اصبر لحد ماربنا ياخدني ازاي معلش انا طولت علي حضرتك بس عارفه انك انشاء الله صدرك رحب وهتردي عليا ولو في دعاء يبرد قلبي قوليه لي وجزاك الله خيرا

وعليكم السلام ورحمه الله وبركاته اختي الكريمه أنا تحت أمرك في أي وقت وربنا يقدرني إني أكون سبب في التخفيف عنك بعض الشيئ أنا حاسة بيكي جدا جدا لأن انا شوفت وعاشرت مشكلة لاخت وصديقه لية عاشت نفس المشكلة مع اختلاف بعض التفاصيل أنا عارفة أن الكلام عن الصبر وأن اللي بتصبر علي اذي زوجها ليها الجنة أكيد سمعتيه كتير لأ أنا هكلمك كوني امرأة واشعر جيداً بما تعانيه وهحط نفسي مكانك الجزء الاول من المشكلة فعلاً مدمر لأي علاقة أسرية وبيكسر كل عاطفة جميلة في قلبك لكن لو الحسنة الوحيدة في حياة زوجك ليكي هي ولادك فهي كرم من ربنا ركزي معاهم متحرميهمش من الأب مهما كانت عيوبه هيخجل منهم لما يبقوا شباب لو تاب عن المحرمات وانصلح حاله كملي معاه والحب والمودة بينكم صدقيني واحدة واحدة هترجع وهتكون أحسن من الأول اديله وادي نفسك فرصة تانية تناسي عيوبه السابقة وابدأي معاه صفحة جديدة اعتبريه كان مريض نفسي واقفي جنبه لغاية ما يخف لو حسيتي أنه فعلاً اتغير حمليه مسؤولية ولاده واحتياجاتهم واتغيري إنتي كمان واتجرأي وطالبي بحقوقكم في المصروف وعيشة كريمة طالما مقتدر أو توفير متطلباتكم في حدود المتيسر معاه متقوليش طلاق وانتحار خلي شخصيتك قويه واتصدي لكل المشاكل علشان ولادك انتحرتي لاقدر الله لا حليتي مشكلتك ودمرتي ولادك تنتحري ليه وقفيه عند حده لو مد أيده عليكي متقدريش يعني تدافعي عن نفسك بيتك وحياتك حاربي علشانهم للرمق الاخير متستسلميش للظروف تهزمك وأن شاء الله ربنا هيعوض تعبك ده مع ولادك وتشوفيهم أحسن الناس ولما يكبروا صدقيني هيكونوا رجالتك وإن شاء تشوفيهم أحسن الناس وبالنسبة للحمل مرة أخرى اصبري شوية وبعد كدة خوضي التجربة يمكن ربنا يرزقك ببنوتة تغير حياتكم فوقي كدة حبيبتي وصحصحي لولادك ومستقبلهم ربيهم أحسن تربية وباباهم اهم حاجة يبطل المحرمات لأنه قدوتهم وهيقلدوه لكن لو مبطلش وبعد كل محاولاتك فضل زي ما هو يبقي تنفصلي عنه بالقانون علشان تخدي حقوقك ورزقكم علي الله لأن هتكوني إنتي بتبني في ولادك وهو معول هدم ليهم لكن ده يكون أخر حل بعد ما تكوني استنفذتي كل الحلول علشان يبقي ضميرك مرتاح قصاد ولادك ربنا ييسر امرك ويفرج همك ويرزقك من حيث لا تحتسبي ويعوضك خير في اولادك يارب