خدمة استشارة أسرية
مقدم الخدمة نجلاء نوح (نسيم الصبا)
وعليكم السلام ورحمه الله وبركاته أخي الكريم أولا ربنا يعوضك في فلوسك بالنسبة للفيزا وقفها وطلع غيرها لأن بيحصل سرقات من هكر بيوصل لرقمك السري ويسرقك وده حصل معايا أما فلوس البيت ممكن أي حد بيدخل عندك يكون متهم فيها نيجي بقى للمشكلة الرئيسية وهي زوجتك أحب أقولك أن اتهامها بالسرقة شيئ ليس بالهين وجارح لكرامتها واشعر من كلامك إنك تريد ارضائها بكل السبل وعموما أنا هقولهالك بالبلدي شيل ده عن ده يرتاح ده من ده بمعنى إن لو اللي اتهم زوجتك بالسرقة اخواتك يبقوا يعتزرولها بنفسهم ويترد اعتبارها أما لو والديك فيكفي اعتزاراك انت نيابة عنهم وتعزل زوجتك عنهم ودهم وبرهم علي قد ما تقدر لكن هي جنبها وجودها معاهم فترة لغاية ما تنسي الموضوع وعرفها إنك بتعمل كدة علشانها أما لو تمادت اتركها فترة وجمد قلبك صدقني هتهدي لوحدها وخصوصاً أن موضوع الخلع مش بالبساطة دي يعني مظنش أهلها بالذكاء أنهم يطلعوا بنتهم متنازلة عن كل حاجة والطلاق مش بالسهولة دي بردوا لأن مفيش سبب تستحيل العشرة بسببه فأهدأ واتركها قليلا إن لم تستجيب لما قولناه سابقآ أسأل الله أن ييسر امرك ويفرج همك ويرزقك من حيث لا تحتسب