خدمة تفسير أحلام

حلمت اني ف مكان اعرفه وكان فيه توت اسود فبقيت اقطف واحط في حجرى واقول امى بتحبه وبعدين لقيت مانجه كبيره جيت افتحها لقيتها بايظه وطلعت منها دوده بيضاء ع ظهرى فخالتى قالتى سبيها دى بايظه فسبتها وفجأه لقيت نفسى قبال شجره مانجوا فيها مانجه كتيييير وكنت واقفه اقطف منها واكل وكان طعمها جميل بطريقه لا توصف وكنت بقول خضراء بس طايبه من جوا واكلت كتير وكانت فروع المانجوا مدلاه لحدى ولقيت نفسى ف عزاء لكنه مش عزاء لان فيه ناس نظيفه وشكلها حلو ولبسين الوان وطلعت من المكان ده في عربه قطر مشى شويه وواحد اعرفه قالنا انزلوا ده بتاع ناس اكابر كانت واحده قريبتى معاى نزلنا هى طلعت ولادها وكأنهم صغيرين مع إن ف الحقيقه هما كبار وطلعت هى وكان فيه سلمتين لعربه القطر شفتهم بعد ما هى ركبت مع إن مكنوش ظهريين وهى بتركب وانا كنت بحاول اطلع احسن القطر يفوتنى وطلعت والقطر كان بداء يمشى اسفه الاطاله وارجوا التفسير وجزاكم الله خيرا مقدما

رؤياك كأنها مراحل حياتك راحه وسعاده ثم بعض العقبات والمتاعب البسيطه او تعتقدى انك فشلتى ثم تأتيك الافراح والبشرى تتوالى عليك السعاده وفرج لأى هم وقد تعرفين شخصا ويسبب لك حزنا فيعوضك الله بخير منه وسعاده كبيرة ثم تتنتقل حياتك وتلتقى مع بعض الغرباء عنك ولا تنسجمى معهم لكن فى النهايه تستقرى حيث تحبى وتسعدى ورغم المتاعب الغالب فى رؤياك البشرى فابشرى وثقى فى كرم الله وفقك الله واسعدك وحفظك