خدمة تفسير أحلام

متزوجة ومعايا طفل وحامل وعمتي ارملة وبنتها عزباء بس فيه مشروع خطوبة ارجو توضيح التفاصيل حلمت ان احنا زي في مقابر بنزور وكان معانا ناس تانية بردو وانا في الحلم كتفي الشمال واجعني ومسمع في قلبي وبنتمشي لقينا زي مقعد خشب وعليه قماش عمتي قالت دي كفن حد ومينفعش يتحط كدة وكان عليه دم بقت تشيله وهو ملفوف عالمقعد واهل صحاب الكفن شالو معاها وحطوه زي بلاعة وقالتلهم كدة احسن مع جريان المياه الدم ده يروح وميضايقش حد ورجنا نازلين كام سلمة وماشيين زي طرقة لقينا عالبلاط مرسوم زي طفل وكل خد باله راح اتحرك وادانا ضهره واستخبي في مامته كأنه اتكسف وبعدين دخلنا اوضة فيها ناس كتير كأننا بقينا في شقة جارتنا المتوفية وعمتي بتسألني التعب راح قولتلها الحمد لله احسن قالتلي علشان لما تدخلي مقابر اقري الفاتحة للكل مينفعش اهلك بس علشان بقيت الأرواح متضايقكيش وبعد كدة جارتنا المتوفية دي بقت ماسكة محفظتها وادت لعمتي علبه في أوراق وكل ملف عليه مبلغ وبقت تعد وتديها فلوس كل ملف فاكرة واحد كان ٢٧٤ وواحد تاني كان فوق ال ٢٨٠ وعمالة تعد وتقول يارب الفلوس تكمل تسديد كله وبعدين بنت عمتي تقول هناكل عندك قولتلها تعالو جوزي كان جايبلي كيلو سمك بلطي في الفريزر وشاورتلها على كف ايدي انه اد كدة عددهم ٥ قالتلي يعني متجيش مش هيكفي قولتلها لا انتي واحدة وانا واحدة وابني واحدة وامك اتنين مع العلم عمتي هي اللي تعبانة من قلبها ومطلوب تعمل قسطرة

هي بتجمع فلوس العمليه احلامك تدل على اللي هيحصل بالضبط ردي علي الاستفسارات عمتك مطلوب منها تحاليل